Solapur News : सोलापूर जिल्ह्यातील सांगोला तालुक्यात एका तरुणाचा सापाच्या दंशामुळे मृत्यू झाला. अक्षय खांबे (वय २७) असे या तरुणाचे नाव आहे. तो चोपडी येथे आपल्या आजोबांकडे राहत होता. अंगणात झोपलेला असताना त्याला मण्यार सापाने दंश केला. उपचारासाठी त्याला सांगली जिल्ह्यातील आटपाडी येथे नेले, पण त्याचा जीव वाचला नाही. चोपडी येथे त्याच्यावर अंत्यसंस्कार करण्यात आले.
विषारी सापाच्या दंशाने त्रास सुरू
अक्षय खांबे हा गाढ झोपेत असताना मण्यार या विषारी सापाने दंश केला. काही वेळातच अक्षयला उलटीचा त्रास होऊ लागला. तत्काळ अक्षयला सांगली जिल्ह्यातील आटपाडी येथील खासगी दवाखान्यात उपचारासाठी दाखल करण्यात आले. उपचार सुरू होण्यापूर्वीच अक्षयचा मृत्यू झाला.
Jeevan Jankar : आमदार जानकरांच्या लेकाचं प्रसंगावधान, धूर दिसताच गाडी पंपाबाहेर नेली, स्कॉर्पिओ पेटली पण…अक्षय आजी आजोबाकडे राहत होता
सापाच्या दंशाने मृत्यू झाल्याची आटपाडी पोलिस स्टेशनमध्ये नोंद झाली आहे. अक्षय खांबे हा युवक सांगली जिल्ह्यातील इस्लामपूर येथील होता. तो आजोबा सदाशिव जगन्नाथ बाबर (गणेश नगर चोपडी ता सांगोला जि सोलापूर) यांच्याकडे राहत होता. बुधवारी दुपारी दोन वाजता चोपडी येथील स्मशानभूमीत त्याच्यावर अंत्यसंस्कार करण्यात आले.
उकाड्याने हैराण, घरात डोळा लागेना, नातू अंगणात झोपला, पण मध्यरात्री…; घटनेनं सांगोल्यात खळबळ
सापाच्या दंशाने अक्षय निधन कुटुंबियांवर दु:खाचा डोंगर
या घटनेने परिसरात मोठी खळबळ उडाली आहे. उकाडा जाणवत असल्याने नागरिक उन्हाळ्यामध्ये मोठ्या प्रमाणात घराबाहेर झोडपतात. मात्र, यादरम्यान काही साप विंचू सारखे प्राणी देखील आपल्या बिळातून बाहेर येतात. अक्षय खांबे ज्याला ज्यावेळी हा साप चावला त्यावेळी तो गाढ झोपेत होता. मात्र, त्यानंतर त्याला उलटीचा त्रास होण्यास सुरूवात झाल्याने त्याला लगेचच रूग्णालयात दाखल करण्यात आले. मात्र, त्याला वाचवण्यात यश मिळाले नाही. अक्षय खांबे याच्या अशा अचानकपणे जाण्याने त्याच्या कुटुंबियांना देखील मोठा धक्का बसला आहे.
लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव.… आणखी वाचा