Pahalgam Terror Attack : तीन-चार मिनिटातच गोळीबाराचा आवाज आला, आम्ही मागे पाहिलं, तर लोकं पळताना दिसली, त्यामुळे आम्हीही धावत सुटलो.” असं सुबोध पाटील सांगत होते.
नवी मुंबईतील खारघर येथे राहणारे सुबोध पाटील हे निसर्ग पर्यटन कंपनीसोबत सपत्नीक जम्मू काश्मीर टूरवर गेले होते. “आम्ही दुपारी साडेबारा वाजता पहलगामला पोहोचलो. घोड्यावर बसून आम्ही वरती गेलो. एक फोटोवाला आमच्या जवळ आला, त्याने काश्मिरी पेहरावात फोटो काढायचंय का विचारलं, आम्ही तयार झालो, तीन-चार मिनिटातच गोळीबाराचा आवाज आला, आम्ही मागे पाहिलं, तर लोकं पळताना दिसली, त्यामुळे आम्हीही धावत सुटलो.” असं सुबोध पाटील सांगत होते.
“तारेचं कुंपण असल्याने बाहेर जायला मार्ग नव्हता, काही जण बसले, काही जण झोपले, आम्हीही तिथे बसलो, तेवढ्यात एक अतिरेकी आमच्या जवळ आला, म्हणाला की हिंदू कोण आहेत, त्यांनी बाजूला उभे राहा, सगळे घाबरले होते, हात जोडून होते, जो कोणी बोलायला जाईल, त्याला शूट करायचे.” असं सुबोध पाटील म्हणाले.
Pune Crime : पुण्यात 22 वर्षांच्या पठ्ठ्याने तरुणीला जाळ्यात ओढलं, लग्नाच्या आमिषाने शरीरसंबंध, शेवटी तिच्याच मैत्रिणीशी पळून विवाह
“आम्हीही घाबरलो होतो, सद्गुरु कृपेने वाचलो” असं सांगताना सुबोध पाटील यांना अश्रू अनावर झाले. “त्याने माझ्या दिशेने गोळी झाडली, ती माझ्या मानेला लागून गेली, मी बेशुद्ध पडलो” असं सुबोध पाटील यांनी ‘एबीपी माझा’शी बोलताना सांगितलं.
सुबोध पाटील यांच्या पत्नीने सांगितलं की, “अतिरेकी गोळी मारुन पळून गेले, गोळी लागल्याने आमचे हे बेशुद्ध पडले होते, मीही खूप घाबरले होते, लढायचं की काय करायचं, हे कळत नव्हतं. पण मी उठले आणि घोडेवाले आहेत का मदतीला, हे बघायला गेले. घोडे नव्हते पण घोडेवाले होते. मी त्यांना म्हटलं, की माझ्या नवऱ्याच्या मानेला गोळी लागलेय, जरा मदत करता का? ते म्हणाले की तुम्ही पुढे जा, मी काकांना घेऊन येतो.”
Uttar Pradesh Crime : दाढीचं काही नाही! माझा नवरा नपुंसक, नणंदेच्या नवऱ्याने तर माझा… दिरासोबत पळालेल्या विवाहितेचे गौप्यस्फोट
Subodh Patil : पहलगाममध्ये मानेला गोळी चाटून गेली, सुबोध पाटील मृत्यूशी झुंज जिंकले; म्हणाले बेशुद्ध झालेलो, सद्गुरु कृपेने वाचलो
“दोघांनी मला उचलून थोडं खाली नेलं, मग म्हणाले की तुम्ही घोड्यावर बसा, मी म्हटलं की घोड्यावर बसायची माझ्यात ताकदच नाही, मी गळून गेलेय, त्यांनी मला कसंबसं खाली नेलं. पुढे एका पोलीस चौकीजवळ रुग्णवाहिन्या होत्या, त्यांनी आम्हाला हॉस्पिटलला नेलं. बराच वेळ आमचे हे दिसले नाहीत, पण एका क्षणी जॅकेटवरुन मी त्यांना लांबून ओळखलं. मी हॉस्पिटल नर्सला म्हटलं की हा आमचा माणूस आहे. तेव्हा हे थोडे बोलत होते. माझ्या जीवात जीव आला.” असा थरार आठवून सांगताना सुबोध पाटील यांच्या पत्नीचा आवाज कातर झाला होता
लेखकाबद्दलअनिश बेंद्रेमहाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत | सामाजिक, राजकीय आणि मनोरंजनविषयक बातम्यांमध्ये नैपुण्य | क्राईम विषयाचा ‘मास्टरमाईंड’ | एबीपी माझा, टीव्ही९ मराठीसह पत्रकारिता क्षेत्रात 11 वर्षांहून अधिक अनुभव… आणखी वाचा