Unknown Dead Body Found In Alibag: अलिबाग येथी ल कशेडी घाटात एका अज्ञात व्यक्तीचा मृतदेह आढळून आला आहे. ही व्यक्ती कोण आहे, त्याचा मृत्यू कसा झाला याबाबत सध्या काहीही माहिती मळालेली नाही.
रायगड जिल्ह्यात औद्योगिकीकरण झपाट्याने वाढत आहे. औद्योगिकीकरणासोबत नागरिकरण वाढल्याने जिल्ह्यात गुन्हेगारी वाढली आहे. दिवसाला जिल्ह्यात जवळपास विविध प्रकारचे दहा ते बारा गुन्ह्यांची नोंद पोलीस दफ्तरी होत असून यामध्ये सर्वाधिक गुन्हा हा विनयभंग आणि जबरदस्ती करणे याचे आहे.
या गुन्ह्यांचा तपास करताना पोलिसांची दमछाक होत असताना, आत्ता पोलिसांसमोर ठिकठीकाणी बेवारस सापडणार्या मृतदेहांच्या नातेवाईकांचा शोध लावण्यासोबतच या गुन्ह्यांची उकल करण्याचे आव्हाण समोर ठाकले आहे. तसेच बेवारस मृतदेहांचे नातेवाईक न सापडल्यास कोही मृतदेहांवर अंत्यसंस्कारही पोलिसांना करावे लागत असल्याचे वास्तवही समोर आले आहे.
Jalgaon Crime: मासिक पाळीत स्वयंपाक का केला? सासू नणंदेने जीव घेतल्याचा आरोप, दोन लेकरांचं मातृत्व हरपलं
Mumbai-Goa Highway वरील कशेडी घाटात जुन्या महामार्गावर भोगाव गावाच्या हद्दीत दरीच्या बाजूला संरक्षक कठड्यालगत अंदाजे ५० ते ५५ वर्ष वयाच्या एक अज्ञात पुरुषाचा बेवारस मृतदेह आढळून आला. यामुळे तालुक्यात खळबळ उडाली असून हा प्रकार आत्महत्या की घातपाताचा असा सवाल उपस्थित होत आहे.
याबाबत Raigad District भोगाव पोलीस पाटील शुभांगी राकेश उतेकर यांनी सदर घटनेची माहिती पोलादपूर पोलीस ठाण्याला कळविल्यानंतर पोलादपूर पोलीस ठाण्याचे सहाय्यक पोलीस निरीक्षक आनंद रावडे व पोलीस हवालदार आर. के. सर्णेकर, संग्राम बामणे, तुषार सुतार, सौरव जाधव यांनी घटनास्थळी जाऊन पंचनामा केला. यावेळी सदर मृतदेह दोन ते तीन दिवस उन्हाने काळवंडला असून परिसरात प्रचंड दूर्गंधी पसरली होती. पोलादपूर पोलीस वरिष्ठांच्या मार्गदर्शनाखाली अधिक तपास करीत आहेत.
रायगड जिल्ह्यात सापडत असलेल्या बेवारस मृतदेहांपैकी काही मृतदेह जिल्ह्याबाहेरील गुन्ह्यातील असण्याची शक्यता आहे. एखाद्या व्यक्तीचा खून करुन त्याचा मृतदेह जिल्ह्यातील निर्जन स्थळी टाकण्यात येत असल्याची शक्यता वर्तविली जात आहे. यापूर्वी राज्यभर गाजलेल्या शीना बोरा प्रकरणाने हे सिद्ध झाले आहे. शिना बोरा हिची मुंबईत हत्या करुन मृतदेहाची रायगड जिल्ह्यातील पेण तालुक्यातील गागोदे परिसरात टाकून विल्हेवाट लावण्याचा प्रयत्न करण्यात आल्याचे पोलीस तपासात उघड झाले आहे.
Raigad News: प्रचंड दुर्गंधी, कशेडी घाटातील दरीत डोकावताच काळवंडलेली बॉडी सापडली; रायगडमध्ये खळबळ
रायगड जिल्ह्यात सापडत रायगड जिल्ह्यात सापडत असलेल्या बेवारस मृतदेहांपैकी काही मृतदेह जिल्ह्याबाहेरील गुन्ह्यातील असण्याची शक्यता आहे. एखाद्या व्यक्तीचा खून करुन त्याचा मृतदेह जिल्ह्यातील निर्जन स्थळी टाकण्यात येत असल्याची शक्यता वर्तविली जात आहे. तसेच परराज्यातील काही नागरिकही जिल्ह्यात रोजगारासाठी स्थळांतरीत झाले आहेत. यामधील एखाद्याचा मृत्यू झाल्यास मृतदेहाची ओळख पटत नाही, यामुळे जिल्ह्यात बेवारस मृतदेह सापडण्याचे प्रमाण वाढले आहे.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा