दापोलीचे माजी आमदार सूर्यकांत दळवी वैयक्तिक कामानिमित्त सह्याद्री राज्य अतिथीगृहात दाखल झालेले होते. ते कामं आटोपून एकटेच सह्याद्री अतिथीगृहाबाहेर पडले. माध्यम प्रतिनिधींसाठी असलेल्या जागेजवळ टॅक्सीची वाट पाहत होते. तेवढ्यातच मुख्यमंत्री, उपमुख्यमंत्र्यांसोबतच्या बैठका आटोपून बार्शीचे विद्यमान आमदार दिलीप सोपल हे स्वतःच्या गाडीतून सह्याद्री राज्य अतिगृहाबाहेर पडले.

या दरम्यान दिलीप सोपल यांची नजर रस्त्याच्या कडेला उभे असलेल्या माजी आमदार सूर्यकांत दळवी यांच्यावर गेली दिलीप सोपल यांनी गाडीतून उतरून माजी आमदार सूर्यकांत दळवी यांना आवाज दिला. आस्थेने विचारपूस केली. हस्तांदोलन केलं. दोन आजी-माजी आमदारांची झालेली ही भेट माध्यम प्रतिनिधी आणि कर्तव्यावर असलेले पोलीस कुतूहलाने पाहत होते. सोलापूरचा वाघ अशी हाक यावेळी सूर्यकांत दळवी यांनी दिलीप सोपल यांना दिली. माझं वय वर्ष 76 झालं अशी आठवण सुद्धा सोपल यांनी सूर्यकांत दळवी यांना करून दिली. दोघांनी निरोप घेत मार्गस्थ झाले. मात्र या निमित्ताने सह्याद्री राज्य अतिथी गृहाबाहेर एका वेगळ्याच आठवणीला उजाळा मिळाला.