Jalgaon UPSC Yogesh Patil Success Story : जळगावच्या यावल तालुक्यातील आमोदा गावच्या योगेश पाटील याने जिद्द आणि चिकाटीच्या जोरावर यूपीएससी परीक्षेत यश मिळवले. बेताची आर्थिक परिस्थिती असूनही, योगेशने दुसऱ्या प्रयत्नात ८११ वा रँक मिळवला. त्याने दररोज १० ते १२ तास अभ्यास करत, सातत्य ठेवल्याने हे यश संपादन केले. कुठल्याही शॉर्टकटवर विश्वास न ठेवता केवळ अभ्यासावर लक्ष केंद्रित करण्याचा सल्ला त्याने तरुणांना दिला आहे.
घरची परिस्थिती बेताची वडिलांचे छोटेसे किराणा दुकान मात्र काहीतरी करून दाखवायची जिद्द असल्याने आमोदा तालुका यावल या छोट्याशा खेड्यातील योगेश ललित पाटील(२६) या तरुणांने यूपीएससी परीक्षेत यश संपादन केले असून द्वितीय प्रयत्नात 811 रँक घेऊन तो उत्तीर्ण झाला आहे योगेश याच्या या यशाने परिवारासह आमोदा गावात सुद्धा आनंद व्यक्त होत आहे योगेश याने यशाबद्दल सांगत असताना कुठल्याही यशाला शॉर्टकट नसतो केवळ अभ्यास अभ्यास व अभ्यास हेच आपल्या यशाचे गमक असते.
योगेश याच्या वडिलांचे आमोदा येथे छोटेसे किराणा दुकान व सोबतीला शेती या कुटुंबात जन्मलेल्या योगेश याचे प्राथमिक शिक्षण अंबरनाथ मुंबई येथे आत्याकडे झाले इयत्ता दहावी पर्यंतचे शिक्षण अमरनाथ येथे झाल्यावर महाविद्यालयीन शिक्षण ठाणे येथे घेतले तर त्याचे उच्च शिक्षण अभियांत्रिकीचे बी टेक पर्यंतचे नागपूरच्या एनआयटी मधून पूर्ण झाले. त्यानंतर दिल्ली येथे एमएचे शिक्षण घेत असतानाच यूपीएससीची तयारी सुद्धा सुरू केली.
2020 ते 2024 पर्यंत आमोदा तालुका यावल येथे घरूनच अभ्यास करून यूपीएससीची परीक्षा देत गेल्यानंतर पहिल्या प्रयत्नाने योगेश याला हुलकावणी दिली मात्र त्या अपयशाने खचून न जाता त्याने अभ्यासात सातत्य ठेवून दुसऱ्या प्रयत्नात यशाला गवसणी घातली व आपले ध्येय साध्य करत 811 रॅकने यश संपादन केले योगेश याने माहिती देताना सांगितले की दररोज आठ ते दहा तास अभ्यास, अभ्यासात सातत्य व एकाग्रता ठेवल्यास यश तुमचेच आहे असा सल्ला स्पर्धा परीक्षांचा अभ्यास करणाऱ्या तरुणांना दिला.
लेखकाबद्दलनिलेश पाटीलमहाराष्ट्र टाइम्स ऑनलाइन मध्ये जळगाव ‘जिल्हा प्रतिनिधी’ म्हणून कार्यरत. गेल्या 12 वर्षापापूर्वी वृत्तपत्रातून पत्रकारितेला सुरुवात. तरुण भारत, सकाळ, लाईव्ह ट्रेण्ड न्यूजमधून प्रवास करीत मटा ऑनलाइनपर्यंत प्रवास.… आणखी वाचा