सध्या हे पत्र सोशल मीडियात व्हायरल झाले आहे. धाराशिव पोलिसांनी कसलंही सहकार्य केले नाही, असा आरोप साक्षीची आई कोयना विटेकर यांनी केला आहे. माझ्या मुलीसोबत जे घडलं ते इतर मुलींसोबत घडू नये, त्यासाठी यातील आरोपींना कठोरातली कठोर शिक्षा व्हावी अशी मागणी देखील पीडित कुटुंबाने केली आहे. दरम्यान, धाराशिव पोलिसांनी आरोपी अभिषेक कदम याला अटक केली असून त्याची जामीनावर देखील सुटका झाली आहे.
Telangana Shocking News: बॉयफ्रेण्डसाठी पोटच्या तीन लेकरांना दह्यातून विष दिलं, नवरा उपाशीच घरातून निघाला अन्…
अभिषेक कदम या आरोपीने या आधी देखील अनेक मुलींची छेडखानी केली आहे. त्याच्यावर यापूर्वी दोन मुलींची छेड काढण्याचा गुन्हा आहे. के.एस.के. महाविद्यालयात हा प्रकार घडला. पीडित तरुणीने आपल्या आयुष्याची अखेर केल्यानंतर के.एस.के. महाविद्यालयात प्रशासन अद्याप गाफील आहे. महाविद्यालय प्रशासनाकडून साधी विचारपूसही करण्याची तसदी घेण्यात आलेली नाही. याच महाविद्यालयात महिनाभरात तीन मुलींनी आपलं आयुष्य संपवल्याचं समोर येत आहे.

या प्रकरणात आरोपी अभिषेक कदम याच्यासह त्याची बहीण शितल कदम या दोघांवर गुन्हा दाखल झाला आहे. आरोपी शितल कदम ही रेल्वे पोलीस दलात कार्यरत आहे. त्यामुळेच धाराशिव पोलिसांकडून कारवाई दाबण्याचा प्रयत्न केल्याचा आरोप पीडितेच्या कुटुंबीयांकडून यांनी केला आहे. या प्रकरणात अनेक आमदारांनी देखील तपास अमलदार यांना फोन केल्याच्या समजते.

धाराशिवचे पोलीस उपाधीक्षक स्वप्निल राठोड यांच्याकडे हा तपास होता. स्वप्निल राठोड यांनी पीडित कुटुंबाला तासंतास कार्यालयाच्या बाहेर वेठीस ठेवले. आमची कुठलीही साक्ष पोलीस उपाधीक्षक स्वप्निल राठोड यांनी घेतली नाही. उलट तुमच्या मुलीने असं का केलं, असे आम्हाला विचारण्यात आलं, असाही आरोप कुटुंबाने केल आहे.