बिलोली तालुक्यातील कुंडलवाडी शहरातील दौलापूर रस्त्यावर संत गोरोबा प्राथमिक आश्रमशाळा आहे. याच शाळेत गजानन राजूरवाड हे अधीक्षक पदावर कार्यरत आहेत. तर पीडित मुलगी ही आश्रम शाळेत सातवी वर्गात शिक्षण घेत आहे. आरोपीने ९ एप्रिल आणि ११ एप्रिलला शाळेच्या परिसरात आणि आश्रम शाळेतील रूममध्ये जाऊन मुलीचा विनयभंग केला. ‘तू मला खूप आवडतेस, आय लव यू, माझ्या सोबत चल’ असं तो पीडित मुलीला म्हणायचा.

त्याच्या घृणास्पद कृत्याबद्दल पीडित मुलीने ही बाब आपल्या कुटुंबियांना सांगितली. त्यानंतर मुलीच्या आईवडिलांनी १८ एप्रिलला कुंडलवाडी पोलीस ठाण्याच गाठले आणि तक्रार दाखल केली. याप्रकरणी पोलिसांनी आरोपी गजानन राजरवाड विरोधात गुन्हा दाखल केला आहे. आरोपी फरार असून पोलीस त्याचा शोध घेत आहेत. या प्रकरणाचा तपास उपविभागीय पोलीस अधिकारी प्रशांत संपते करीत आहेत.