राजनंदिनी कांबळे या विद्यार्थिनीला राहत्या घरात विजेचा जबर शॉक लागला. अवकाळी पाऊस आणि वादळी वाऱ्यामुळे विजेच्या तारा घरातील जिन्यावर पडल्या होत्या. नंदिनी जिन्यावर जाताना तिला विजेचा जबर धक्का बसला, त्यातच राजनंदिनी कांबळे हिला प्राण गमवावे लागल्याची माहिती आहे.

वादळी वाऱ्यासह अवकाळी पावसाची हजेरी

सोलापूर शहरात मंगळवारी सांयकाळी वादळी वारा सुटून अवकाळी पावसाच्या सरी बरसल्या होत्या. सोलापूर शहरात असलेल्या जुना एम्प्लॉयमेंट चौकातील कोनापुरे चाळ येथे विजेच्या तारा तुटल्या होत्या, अशी नागरिकांनी माहिती दिली. सायंकाळी साडेसहा वाजल्यानंतर विजेच्या कडकडाटासह अवकाळी पावसाला सुरुवात झाली. त्यामुळे वादळी वारा सुरू झाल्याने शहरात बऱ्याच वेळ लाईट गेली होती.

नंदिनीचा स्पर्श लोखंडी जिन्याला

कोणापूरे चाळमधील नागरिकांकडून मिळालेल्या माहितीनुसार, या वादळी वाऱ्यामुळे विजेच्या तारा हलू लागल्या होत्या. कांबळेंच्या घरावरुन जाणाऱ्या विजेच्या तारेचा स्पर्श त्यांच्या लोखंडी जिन्याला झाल्याने त्यामध्ये करंट उतरला होता. त्याच वेळी राजनंदिनी हिचा स्पर्श त्या जिन्याला झाल्याने तिला विजेचा जोरदार धक्का बसला आणि ती जागीच कोसळली.
Wardha Accident : चला येतो लवकरच; निरोप घेऊन वैद्य कुटुंब निघालं ते कायमचंच, अपघातात चौघंही ठार, गावाच्या डोळ्याची धार थांबेना
नातेवाईकांनी तातडीने तिला सोलापुरातील एका खाजगी रुग्णालयात हलवले, मात्र डॉक्टरांनी तिला मृत घोषित केले. कोनापुरे चाळ परिसरात महावितरणच्या हलगर्जीपणामुळे या विद्यार्थिनीचा मृत्यू झाल्याचा आरोप या परिसरातील नागरिक करीत आहेत.