Latur News: लातूर शहर मनपा आयुक्त बाबासाहेब मनोहरे यांनी आत्महत्येचा प्रयत्न करण्यामागे कौटुंबिक वादाचे कारण असल्याचे स्पष्ट झाले आहे. घटनेपूर्वी बाबासाहेब मनोहरे आणि त्यांच्या पत्नीत वाद झाला होता त्यानंतर तावा तावात बेडरूम मध्ये जाऊन मनोहरे यांनी पिस्तूल काढून स्वतःवर गोळी झाडली. ही घटना घडल्यानंतरच काही मिनिटात एमआयडीसी पोलीस स्टेशनचे अधिकारी बंगल्यावर जमा झाले.
कौटुंबिक कारणामुळे आत्महत्येचा प्रयत्न
लातूर शहर मनपा आयुक्त बाबासाहेब मनोहरे(Babasaheb Manohare) यांनी आत्महत्येचा प्रयत्न करण्यामागे कौटुंबिक वादाचे कारण असल्याचे स्पष्ट झाले आहे. घटनेपूर्वी बाबासाहेब मनोहरे आणि त्यांच्या पत्नीत वाद झाला होता त्यानंतर तावा तावात बेडरूम मध्ये जाऊन मनोहरे यांनी पिस्तूल काढून स्वतःवर गोळी झाडली. ही घटना घडल्यानंतरच काही मिनिटात एमआयडीसी पोलीस स्टेशनचे अधिकारी बंगल्यावर जमा झाले. फॉरेन्सिक पथकही दाखल झाले पथकाने मनोहरे यांची पिस्तूल आणि २५ जिवंत काडतुसे जप्त केली. यावेळी काही मद्याचेही पुरावे घटनास्थळी जप्त केले. मुलांचा जबाब घेतल्यानंतर पोलिसांनी घरात झालेल्या वादावादीमुळे बाबासाहेब मनोहरे यांनी आत्महत्येचा प्रयत्न केला हे कारण स्पष्ट झाले आहे.
घटनेपूर्वी आयुक्तांना कॉल करणारा तो व्यक्ती कोण?
तपासात समोर आलेल्या माहितीनुसार आयुक्त बाबासाहेब मनोहरे यांनी शनिवारी अनेक कॉल(Call) केले होते. मात्र मनोहरे आणि त्यांच्या पत्नीत वाद होण्यापूर्वी मनोहरे यांना शेवटी एक कॉल आला होता त्या कॉलची माहिती पोलीस घेत आहेत. या कॉलनंतरच मनोहरे दाम्पत्यात वाद झाल्याचा संशय आहे. शेवटचा कॉल करणारी ती व्यक्ती कोण? कॉल करण्यामागचे त्याचे कारण काय? ती व्यक्ती कुटुंबातील आहे की बाहेरची? या प्रश्नांची उकल आता पोलीस करत आहेत. भांडण सुरू असताना प्रत्यक्षदर्शी असलेल्या दोन्ही मुलांकडेही याबाबत विचारणा करण्यात आली. मात्र, अजूनही घटनेपूर्वी आलेला कॉल करणारी ती व्यक्ती कोण हे निष्पन्न झालेले नाही.
ग्रीन कॉरिडोर करत मनोहरे यांना मुंबईला हलवले
मनपा आयुक्त बाबासाहेब मनोहरे यांच्यावर पस्तीस तास लातूर शहरातील सह्याद्री हॉस्पिटल या ठिकाणी उपचार करण्यात आले. त्यानंतर त्यांना मुंबई येथील कोकिलाबेन रुग्णालयात हलविण्यात आले. सोमवारी सकाळी बारा वाजता पुणे येथील कार्डियाक एअर ॲम्बुलन्स लातूरच्या विमानतळावर दाखल झाली. त्यानंतर सह्याद्री हॉस्पिटल ते विमानतळ असा १७ किलोमीटर मार्गावर ग्रीन कॉरिडॉर तयार करण्यात आला होता. तब्बल २४ मिनिटांच्या या कॉरिडॉरमध्ये पोलीस प्रशासन व डॉक्टर यांच्या सहित हा कार्यक्रम राबविला गेला व आयुक्त बाबासाहेब मनोहरे यांना मुंबई येथे हलविण्यात आले.
या घटनेचा पुढील तपास आता पोलीस करत आहेत. नेमके आत्महत्येचे कारण कौटुंबिक असावे की अजून दुसरे काही याबाबत पोलीस सखोल चौकशी करताना दिसून येत आहेत.
लेखकाबद्दलऋषिकेश होळीकरमहाराष्ट्र टाइम्स ऑनलाईनमध्ये लातूर प्रतिनिधी म्हणून कार्यरत. 6 वर्षांपूर्वी वृत्तपत्रातून पत्रकारितेची सुरुवात. दै सामना, दै पुढारी न्यूज १८ लोकमत डिजिटल, प्रवास करत मटा ऑनलाईनपर्यंत वाटचाल; राजकीय आणि कृषी बातम्यांमध्ये विशेष हातखंडा… आणखी वाचा