दरम्यान हा भिक्षेकरी खरंच इस्त्रोमध्ये होता, की त्याने हा बनाव केला? याबाबात संभ्रम आहे. शिर्डीत शुक्रवारी भिक्षेकऱ्यांविरुद्ध मोहीम होती घेण्यात आली होती. त्यात सापडलेल्या एका व्यक्तीने आपण इस्त्रोमध्ये काम केल्याचा दावा केला आहे. त्याने आपलं नाव नारायणन आहे, असं सांगितलं. तसंच तो इस्त्रोमध्ये काम करणाऱ्यांची ओळखही सांगत होता. अस्खलित इंग्रजी बोलत होता. त्यामुळे अनेकांना तो खरंच इस्त्रोत काम करत असेल असं वाटलं, पण अद्याप याबाबत खरी माहिती समोर आलेली नाही.
Pamban Rail Bridge : देशातील पहिला व्हर्टिकल लिफ्ट सी ब्रिज, रामनवमीच्या दिवशी उद्धाटन; काय आहे खास?
आपण २००८ मध्ये मुदतपूर्व सेवानिवृत्ती घेतली आहे. पत्नीचं निधन झालं आहे. तर आपला मुलगा दुबईत असल्याचं त्या व्यक्तीने सांगितलं. इस्त्रोमध्ये काम केल्याचं सांगणाऱ्या व्यक्तीची पोलिसांनी चौकशी केली. त्यावेळी पोलिसांना त्याच्याकडे कोणतीही कागदपत्रं आढळून आली नाहीत.
Delhi Water Park : दोघांचं लग्न जमलेलं, वॉटर पार्कला फिरायला गेले आणि १५ सेकंदात होत्याचं नव्हतं, काय घडलं?

त्या व्यक्तीने सांगितलं, की भावाने बारा लाख रुपयांना फसवलं आहे. मुलगा दुबईत नोकरीला आहे. देशभरातील धार्मिक तीर्थक्षेत्रांना भेट देण्याची आवड आहे. २८ मार्च रोजी शिर्डीत साई दर्शनासाठी येण्यापूर्वी नाशिकमध्ये आपली बॅग चोरीला गेली. त्यात २० हजार रुपये आणि ओळखपत्र होतं, असे त्याने पोलिसांनी सांगितलं. दरम्यान त्या व्यक्तीने इस्त्रोमधील काही गोष्टी पोलिसांना सांगितल्या. त्यावरुन ती व्यक्ती तिथे काम करत असावी अशी शक्यता सुत्रांनी व्यक्त केली. मात्र याबाबत अद्याप पोलिसांनी तो व्यक्ती खरंच इस्त्रोत काम करत होता का याची खात्रीशीर माहिती दिलेली नाही.