Surendra Patil News: बंदुकीच्या धाकावर तरुणीवर अत्याचार करणाऱ्या रिल स्टार सुरेंद्र पाटीलचा आणखी एक कारनामा समोर आला आहे. आता नाशिकच्या तरुणीने त्याच्यावर अत्याचाराचा आरोप केला आहे.
महिलेने रामनगर पोलीस ठाण्यातील तक्रारीत काय म्हटलं?
पीडित महिलेने रामनगर पोलीस ठाण्यातील तक्रारीत म्हटले आहे की, ठाकुर्ली भागातील विकासक सुरेंद्र पाटील यांच्या मालकीच्या गाळ्यात आपण एक व्यवसाय सुरू केला होता. या व्यवसायाला चांगली गती मिळाली नाही. त्यामुळे तो व्यवसाय आपण आर्थिक नुकसानीमुळे बंद केला. गाळ्यामध्ये काही तांत्रिक यंत्रणा होती. गाळ्यातील ही यंत्रणा परत घेण्यासाठी आपण सुरेंद्र पाटील यांची भेट घेतली. त्यावेळी गाळ्यातील यंत्रणा परत देण्याचे आश्वासन देत आपल्यावर सुरेंद्र पाटील यांनी लैंंगिक अत्याचार केला असल्याचा आरोप महिलेने रामनगर पोलीस ठाण्यातील तक्रारीत केला आहे. या तक्रारीवरून पोलिसांनी गुन्हा दाखल करून घेतला आहे.
Dombivli News: बंदुकीच्या धाकावर अत्याचार, दुसऱ्यांदा विरोध करताच नग्न करत अश्लील चाळे, डोंबिवलीच्या रिलस्टारचा नवा कारनामा
चार दिवसांपूर्वी सुरेंद्र पाटील यांनी इन्स्टाग्रामवर ओळख झालेल्या पुणे येथील एका तरूणीला तुला एअर हॉस्टेसं म्हणून नोकरिला लावतो असे आमिष दाखवून तिला डोंबिवलीत बोलावून तिच्यावर लैंगिक अत्याचार केला होता. सुरेंद्र पाटील यांनी नोकरी लावण्याचे आमिष दाखवून आपली फसवणूक केली. आपल्यावर सुरेंद्र व त्यांच्या चालकाने लैंगिक अत्याचार केला असल्याची तक्रार पीडित तरुणीने मानपाडा पोलीस ठाण्यात केली आहे. लैंगिक अत्याचार करण्यापूर्वी सुरेंद्र यांनी आपल्या कुटुंबीयांना ठार मारण्याची धमकी दिली होती, असे पीडितेने तक्रारीत म्हटले आहे.
पैशांचा पाऊस, नोटांची उधळण, पोलीस ठाण्यातील खुर्चीवर बसून रिल
भोंदु बाबांच्या उपस्थितीत पैशांचा पाऊस, नोटांची उधळण, पोलीस ठाण्यातील खुर्चीवर बसून रिल बनवणे अशा विविध कारनाम्यांमुळे सुरेंद्र पाटील समाज माध्यमांतून प्रसिध्द आहेत आणि त्याला महागातही पडले आहे.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा