मंगळवारी सकाळी आठ वाजेच्या सुमारास पोस्ट ऑफिसचे शिपाई अरविंद जाधव यांनी पोस्ट मास्तर संजय पाटील यांना फोन करून ऑफिसचे चॅनेल गेटचे कुलूप तुटलेले असल्याचे सांगितले. त्यावेळी संजय पाटील व निरीक्षक सचिन तायड यांनी पोस्ट ऑफिसात जावून पहिले असता दरवाजाचे कुलूप तुटलेले दिसले. त्यावेळी त्यांनी आत जावून पाहणी केली असता कॅश काउंटरच्या ड्रावरचे लॉक तुटलेले दिसले तसेच त्यातील साहित्य अस्तव्यस्त पडलेले दिसले.

पोस्ट ऑफिसची मुख्य तिजोरी ज्यामध्ये रोख रक्कम ठेवलेली होती तिला तोडण्याचा प्रयत्न करण्यात आला. मात्र, तिजोरी मजबूत असल्याने पैसे चोरी झाले नाही. या प्रकरणी पोस्ट मास्तर संजय पाटील यांच्या फिर्यादीवरून वाळूज एमआयडीसी पोलीस ठाण्यात अज्ञात चोरट्याविरुद्ध गुन्हा दाखल करण्यात आला असून पुढील तपास पोलिस करीत आहेत. चोरट्यांनी चक्क पोस्ट ऑफिसलमध्येच चोरी करण्याचा प्रयत्न केला असल्याचे यावरून स्पष्ट होत आहेत.
शिंदेंच्या फायरब्रँड नेत्याला घाम फोडणाऱ्या ठाकरेंच्या शिलेदाराने पक्षाला ठोकला रामराम, पक्षनेतृत्वासमोर मोठे आव्हानशहरात विविध तीन घटनांमध्ये विवाहितांचा छळ करण्यात आला. यात ‘माहेरून साठ लाख रूपये आण अशी मागणी केली. तसेच तू नोकरी कर व घरात पैसे दे, असे सांगून विवाहितेचा छळ केला. तसेच पोलिसांत तक्रार केली तर जीवे मारण्याची धमकी दिली. विवाहितेच्या तक्रारीवरून पती नरेंद्र पटेकरसह अन्य सहा जणांच्या विराधात पुंडलिकनगर पोलिस ठाण्यात गुन्हा दाखल करण्यात आला आहे. अन्य एका प्रकरणात, ‘तू दिसायला चांगली नाही.

तुझा जॉब बघुन लग्न लावले. लग्नात हुंडा दिला नाही,’ अशी कारणे दाखवून विवाहितेचा छळ केला. विवाहितेच्या तक्रारीवरून विवाहितेचा पती सुदर्शन गोवर्धन लांडगे याच्यासह चार जणांच्या विरोधात एमआयडीसी वाळूज पोलिस ठाण्यात गुन्हा दाखल करण्यात आला आहे. तसेच पाच लाख रूपये माहेरून घेऊन ये. असे सांगत, तु काळी आहे. तुला घरातील काम जमत नाही. असे सांगून विवाहितेचा छळ केला. विवाहितेच्या तक्रारीवरून तिचा पती समाधान भगवान काकडेसह अन्य नऊ जणांच्या विरोधात जवाहरनगर पोलिस ठाण्यात गुन्हा दाखल करण्यात आला आहे.