थांबा… थांबा… तुम्ही जो आवाज ऐकला तो कुणा लहान मुलाचा, माणसाचा किंवा मिटू मिटू बोलण्याऱ्या पोपटाचा नाहीये बरं का? हा आवाज आहे कावळ्याचा… आणि हा कावळा माणसांप्रमाणेच बोलतोय… विश्वास नाहीये ना…? पण हो तुम्ही ऐकलंत ते अगदी खरं आहे… पालघर जिल्ह्यातील वाडा तालुक्यातील जिल्ह्याच्या वेशीवर असलेले गारगाव… या गावात जंगल परिसरात असलेल्या एका फार्महाऊस परिसरातील झोपडीत मंगळू मुकणे यांचे कुटुंब वास्तव्यास आहे. मुकणे कुटुंबियांना दोन वर्षांपूर्वी एका झाडाखाली जखमी अवस्थेतील दोन कावळ्याची पिल्ले आढळून आली होती. त्यांनी जखमी अवस्थेतील दोन्ही कावळ्याची पिल्ले घरी आणली… यापैकी एका कावळ्याचा मृत्यू झाला, पण दुसऱ्या कावळ्यावर त्यांनी उपचार केले. मुकणे यांच्या कुटुंबातील लहान मुलगीही या कावळ्याला खाऊ पिऊ घालू लागली. त्यानंतर या कावळ्याला माणसांची इतकी सवय झाली की तो अगदी मुकणे कुटुंबांच्या सदस्यांच्या अगदी हाता खांद्यावर खेळू लागला. दीड वर्षाचा झालेला हा कावळा मागील महिनाभरापासून अचानक बोलू लागला आहे. तो मराठी भाषा शिकला असून काका, बरं का, आई, ताई, असे शब्द बोलत असतो. हा कावळा त्यांच्या सोबत जेवण करीत असतो. त्यांच्या अंगा खांद्यावर बसत असतो. घरात येऊन पाणी आणि जेवण देखील मागतो असे घरातील सदस्य सांगतात. हा कावळा म्हाताऱ्या आजी बाई सारखं खोकूनही दाखवतो. बोलणाऱ्या कावळ्याचा व्हिडिओ समाजमाध्यमांवर तुफान व्हायरल झालाय. त्यामुळे बोलणाऱ्या या कावळ्याला पाहण्यासाठी नागरिक देखील मोठी गर्दी करू लागलेत…. या सगळ्याविषयी बोलताना मंगळू मुकणे म्हणाले…