बुलढाणा जिल्ह्यातील संग्रामपूर तालुक्यातील वानखेड गावात हा प्रकार समोर आला आहे. पत्नी गेल्या पंधरा वर्षांपासून माहेरी गेली असून पोलीस ठाण्यात धाव घेतली, अनेकदा निवेदनं दिल्यावर अद्यापही बायको मात्र घरी आलेली नाही. अखेर आज संतापलेल्या व्यक्तीने एसटी बसच्या काचा फोडत पोलीस प्रशासनाकडे आपली पत्नी परत आणावी अशी मागणी केली आहे.
Pune Hit And Run: पुण्यात पुन्हा हिट अँड रन! मॉर्निंग वॉक करणाऱ्या तरुणाला कारची धडक, अन्… CCTVत अखेरचे क्षण कैद
प्रकाश पिंजरकर असे या व्यक्तीचे नाव आहे. या व्यक्तीचे पत्नीशी भांडण झाले होते. भांडण झाल्यानंतर ती माहेरी निघून गेली. या पंधरा वर्षापूर्वीच्या घटनेनंतर आज प्रकाशचा राग अनावर झाला. मध्यल्या काळात त्यांनी अनेकदा पोलिसांकडे निवेदन दिले होते. पण पत्नी काही घरी परत आली नाही आणि आज प्रकाशने चक्क आपला राग लाल परीवर काचा फोडत काढला. शेगाव वानखेड या बसच्या मागच्या काचा फोडल्या आणि बसचे मोठ्या प्रमाणात नुकसान केले. सध्या ही बस वानखेड गावात थांबली असून पोलीस घटनास्थळी पोहोचलेले नाही.

आपली पत्नी पंधरा वर्षांपूर्वी करून निघून गेल्यावर पोलीस प्रशासनाला अनेक वेळा निवेदन दिल्यावरी ती परत घरी आली नाही. या कारणास्तव लाल परीवर नवरोबाचा हा राग सध्या संपूर्ण जिल्ह्यात चर्चेचा विषय ठरत आहे. त्यामुळे लाल परीला आज एका नवरोबाच्या रागाला सामोरे जावे लागले, असे म्हटलं तर वावगं ठरणार नाही.