मनसे अध्यक्ष राज ठाकरे यांनी महायुती सरकारच्या लाडकी बहीण योजनेवरून मोठं भाकीत केलं आहे. रविवारी (३० मार्च) शिवतीर्थावर मनसेचा गुढीपाडवा मेळावा पार पडला. यावेळी भाषणातून राज ठाकरेंनी सर्वांचा खरपूस समाचार घेतला. तर लाडकी बहीण योजनेचे काय झाले? असा सवाल करत ही योजना बंद होणार असल्याचे ठाकरे म्हणाले. विधानसभा निवडणुकीपूर्वीच मी सांगितले होते, मात्र माझे कुणी ऐकले नाही, असे ते म्हणाले.
