Kolhapur Football : कोल्हापूर येथे,उत्तरेश्वर चषक फुटबॉल स्पर्धेच्या अंतिम सामन्यात पाटाकडील तालीम मंडळ आणि श्री शिवाजी तरुण मंडळ या पारंपरिक प्रतिस्पर्धी संघातील सामन्यामध्ये दोन्ही संघांतील खेळाडू फुटबॉल खेळत असताना अचानक मैदानावर दोन्ही संघातील खेळाडूंमध्ये मारामारी सुरु झाली. हाणामारीनंतर मैदानात एकच गर्दी उसळल्याने गर्दीला पांगवण्यासाठी पोलिसांकडून सौम्य लाठीमार करण्यात आला.
कोल्हापूर येथे,उत्तरेश्वर चषक फुटबॉल स्पर्धेच्या अंतिम सामन्यात पाटाकडील तालीम मंडळ आणि श्री शिवाजी तरुण मंडळ या पारंपरिक प्रतिस्पर्धी संघातील सामन्यामध्ये दोन्ही संघांतील खेळाडू फुटबॉल खेळत असताना अचानक मैदानावर(stadium) दोन्ही संघातील खेळाडूंमध्ये मारामारी सुरु झाली. हाणामारीनंतर मैदानात एकच गर्दी उसळल्याने गर्दीला पांगवण्यासाठी पोलिसांकडून सौम्य लाठीमार करण्यात आला. या हाणामारीचा व्हिडीओ सोशल मिडीयावर प्रचंड व्हायरल झाला आहे. या व्हिडीओच्या आधारे पोलिस पुढील तपास करत आहेत. दरम्यान, अचानक मैदानावर खेळाडूंमध्ये मारामारीची घटना घडल्याने फुटबॉल वर्तुळात खळबळ उडाली आहे.
फुटबॉलची पंढरी म्हणूनही कोल्हापूरची ख्याती आहे. उत्तमहून उत्तम खेळाडू कोल्हापूरच्या मातीत तयार व्हावेत. क्रिडा संस्कृती जपली जावी आणि जागतिक पातळीवर देशाचा लौकिक वाढावा या हेतुने या खेळाला राजाश्रय देण्याचे कार्य छत्रपती शाहू(Chhatrapati Shahu Maharaj) महाराजांनी केले. ९० वर्षाहून अधिक अशी ऐतिहासिक आणि देदीप्यमान परंपरा येथील फुटबॉल खेळाला लाभली आहे. परंतु गेल्या काही वर्षांमध्ये खेळादरम्यान अशाच प्रकारच्या घटना घडताना दिसल्या. स्टेडिअम मध्येच अश्लिल शिव्या देणे, मुद्दामहून प्रतिस्पर्धीला लाथाबुक्यांनी मारहाण करणे असे प्रकार घडत असल्याने कोल्हापूरच्या फुटबॉलला हिंसक वळण लागत आहे.
रविवारी(३० मार्च) घडलेल्या या घटनेमुळे दोन्ही संघातील वाद चव्हाट्यावर आला. कोल्हापूरच्या फुटबॉल विश्वातील पाटाकडील तालीम मंडळ आणि श्री शिवाजी तरुण मंडळ या पारंपरिक प्रतिस्पर्धी संघांना प्रतिष्ठीत संघ मानले जाते. त्यामुळे या मारामारीच्या घटनेमुळे त्यांनी याच्याबद्दल विचार करण्याची गरज आहे. असे मत आता क्रीडा क्षेत्रातून व्यक्त केलं जात आहे.