आज ३० मार्च रोजी देऊळगाव राजा सिंदखेड राजा रोडवरील आरजे इंटरनॅशनल स्कूल समोरच्या वनविभागाच्या जागेत ही घटना उघडकीस आली. या घटनेची माहिती वाऱ्यासारखी पसरल्यानंतर जिल्हायत एकच खळबळ उडाली आहे. पोलिसांकडून या प्रकरणात तपास सुरू करण्यात आला आहे.
Buldhana News : कौटुंबिक वादातून रक्ताच्या नात्याचा दुर्दैवी शेवट; पुतण्यानेच सख्ख्या काकाला संपवलं, कारण हैराण करणारं
ज्ञानेश्वर मस्के यांचा मृतदेह गाडीतून आढळल्याने परिसरात खळबळ उडाली आहे. पोलिसांनी दिलेल्या माहितीनुसार, प्राथमिक तपासात त्यांचा गळा आवळून हत्या केल्याचा संशय व्यक्त केला जात आहे. विशेष म्हणजे कार आतून लॉक होती. त्यामुळे हत्या की आत्महत्या? याबाबत उलटसुलट चर्चा सुरू आहेत. स्थानिक पोलिसांसह गुन्हे शाखेच्या पथकाने घटनास्थळी धाव घेतली असून तपास सुरू आहे, मात्र अद्याप अधिकृत माहिती देण्यात आलेली नाही. उपविभागीय पोलीस अधिकारी मनीषा कदम आणि पोलीस निरीक्षक संतोष महल्ले यांनी घटनास्थळी पाहणी केली असून पुढील तपास सुरू आहे.
Pune Crime : मुंबईतून भाचा पुण्याला मामाकडे आला, किरकोळ वादातून मुलाच्या आयुष्याचा शेवट; मामानेच संपवलं

श्वान पथक घटनास्थळी

पोलिसाचा मृतदेह ज्या ठिकाणी आढळला त्या घटनास्थळी सहाय्यक पोलीस अधीक्षक बीबी महामुनी यांनी बारकाईने पाहणी केली, तसंच श्वान पथक आणि फॉरेन्सिक तज्ञ यांनीही तपासणीसाठी बोलवण्यात आलं आहे.

महिन्याभरात आणखी एका पोलिसाचा मृत्यू, प्रशासनावर प्रश्नचिन्ह

दरम्यान, याच महिन्यात २३ मार्चला अंधेरा पोलीस स्टेशन हद्दीत भागवत गीरी या पोलिसाचा खून झाल्याची घटना ताजी असताना पुन्हा एका पोलिसांचा मृतदेह आढळल्याने जिल्ह्यात भीतीचं वातावरण आहे. बुलढाणा जिल्ह्यातील पोलिसाचा मृतदेह अशाप्रकारे आढळल्याची ही दुसरी घटना आहे.

२३ मार्चला अंधेरा पोलीस ठाणेमध्ये कार्यरत भागवत गिरी नावाच्या पोलीस कर्मचाऱ्यांच्या मृत्यूप्रकरणी हत्येचा गुन्हा दाखल करण्यात आला होता. मोटरसायकलवरुन दारूची वाहतूक करणाऱ्या आरोपीचा दुचाकीवरुन पाठलाग करत असताना आरोपीने दुचाकीला लाथ मारली. यामुळे वाहनाचा अपघात होऊन पोलीस कर्मचाऱ्यांचा मृत्यू झाला होता. तसंच त्यांचा एका सहकारी पोलीस गंभीर जखमी झाला होता. ही बातमी ताजी असताना देऊळगाव राजामध्ये गुढी पाडव्याच्या दिवशी पुन्हा एकदा पोलिसाच्या मृत्यू हळहळ व्यक्त होत आहे.