बंगळरु पोलिसांना गौरीचा मृतदेह राकेश आणि गौरी राहत असलेल्या घरात सापडला. हा खून पूर्वनियोजित आणि थंड डोक्यानं करण्यात आला असावा असा संशय पोलिसांनी प्राथमिक तपासानंतर व्यक्त केला. राकेशनं गौरीला सूटकेसमध्ये कोंबलं, त्यावेळी ती जिवंत होती, अशी महत्त्वाची माहिती पोलिसांनी प्राथमिक तपासानंतर दिली आहे. ‘गौरीला सूटकेसमध्ये ठेवण्यात आलं, त्यावेळी तिचा जीव गेलेला नव्हता. गौरीला बॅगमध्ये टाकल्यावर राकेशनं ती बॅग ओढली. त्यावेळी बॅगचं हँडल तुटलं. त्यामुळे राकेशनं तिच्या मृतदेहाची विल्हेवाट लावण्याची योजना गुंडाळली,’ अशी माहिती पोलिसांनी दिली.
Gauri Khedekar Murder: गौरीच्या बॉडीची विल्हेवाट लावण्याचा प्लान होता, पोलिसांना संशय; राकेशची योजना कशामुळे फसली?
‘हँडल तुटल्यानं बॅग खेचून नेण्यात अडचण येत असल्यानं राकेशनं सूटकेस हॉलमधून बाथरुममध्ये नेली. गौरीच्या शरीराला जखमांमधून रक्तस्राव सुरु होता. रक्त वाहून जावं यासाठी राकेशनं बॅग पाईपजवळ नेऊन ठेवली,’ अशी माहिती पोलिसांनी सांगितली. ‘आपण मानसिकदृष्ट्या व्यथित असल्याचं दाखवण्याचा प्रयत्न राकेशनं केला. पण आम्हाला त्याच्याबद्दल वेगळाच संशय आहे. त्याची मानसिक स्थिती उत्तम आहे. आपली मानसिक स्थिती अस्थिर असल्याचं भासवून तो सहानुभूती मिळवण्याचा प्रयत्न करत आहे. तो पोलिसांची दिशाभूल करत आहे. त्यानं गौरीची हत्या करण्यासाठीच तिला बंगळुरुत आणलं असावं,’ असा संशय पोलिसांनी बोलून दाखवला. टाईम्स ऑफ इंडियानं याबद्दलचं वृत्त दिलं आहे.
Gauri Khedekar Murder: गौरीनं गळफास लावून घेतलाय! पोलिसांची दिशाभूल करण्यासाठी राकेशचा बनाव; शेजाऱ्याला फोन, पण…
राकेश आणि गौरी महिन्याभराआधी मुंबईहून बंगळुरुला स्थायिक झाले. दोघे वेगवेगळ्या कंपन्यांमध्ये कार्यरत होते. त्यांनी नोकऱ्या सोडल्या आणि बंगळुरुची वाट धरली. तिथे राकेशला नोकरी मिळाली. तो घरातून काम करायचा. तर गौरी नोकरी शोधत होती. नोकरी मिळत नसल्यानं गौरी नाराज होती. २६ मार्चच्या रात्री ९ वाजता दोघांचा वाद झाला. त्यावेळी संतापलेल्या गौरीनं राकेशच्या दिशेनं चाकू फेकला. यामध्ये राकेशला किरकोळ दुखापत झाली. त्याचा पारा चढला. त्यानं त्याच चाकूनं गौरीवर हल्ला केला. गौरीच्या मानेवर दोन आणि पोटावर एक वार केला. त्यात गौरी गंभीर जखमी झाली.