मृतक चिमुकली ही दोन दिवसांपूर्वी बेपत्ता झाल्याची तक्रार तळोजा पोलीस ठाण्यात दाखल करण्यात आली होती. पोलिसांकडून तिचा शोध घेतला जात होता. तिचे आई-वडील आणि इतर कुटुंबिय देखील शोध घेत होते. पण तिचा शोध लागत नव्हता. चिमुकलीच्या कुटुंबियांकडून संपूर्ण शहरभरात, नातेवाईकांच्या घरी जावून शोध घेतला जात होता. पण चिमुकलीचा शोध लागला नाही. अखेर चिमुकलीचा राहत्या घरातच सुटकेसमध्ये मृतदेह आढळला आहे. त्यामुळे कुटुंबियांसह परिसरातील नागरिकांना मोठा धक्का बसला. संबंधित घटना नेमकी कशी घडली? याचा देखील उलगडा आता झाला आहे. ‘एबीपी माझा’ने याबाबत वृत्त दिलं आहे.

नेमकं प्रकरण काय?

या प्रकरणात धक्कादायक माहिती समोर आली आहे. मृतक चिमुकलीच्या कुटुंबियांची घरासमोर राहणाऱ्या एका तरुणासोबत वाद झाला होता. याच भांडणाचा राग मनात धरुन तरुणाने या चिमुकलीची हत्या केल्याचं समोर आलं आहे. आरोपी तरुणाने चिमुकलीच्या घरात कोणी नसल्याचा फायदा घेत तिची हत्या केली. यानंतर चिमुकलीच्या राहत्या घरात सुटकेसमध्ये चिमुकलीचा मृतदेह टाकला. यानंतर ती सुटकेस घराच्या पोटमाळ्यावर टाकून दिली.
Santosh Deshmukh हत्या प्रकरणाचे 15 व्हिडीओ समोर, घटनेचे मिनिट टू मिनिटचे अपडेट स्पष्ट
दोन दिवसांनी घरात दुर्गंध येत असल्याने शोधाशोध सुरु झाली. यावेळी सुटकेसमध्येच चिमुकलीचा मृतदेह आढळून आला. यामुळे एकच खळबळ उडाली. चिमुकलीच्या आई-वडिलांनी प्रचंड आक्रोश केला. या सगळ्या भांडणात चिमुकलीचा काय दोष होता, तिची हत्या का केली? असा सवाल हंबरडा फोडणाऱ्या त्या आई-वडिलांकडून केला जात होता.