आयात फईम शेख, वय ४ वर्ष, असे निर्दयीपणे हत्या केलेल्या चिमुकलीचे नाव आहे. तर फौजिया शेख फईम वय २७, शेख फईम शेख अयुब वय ३५ रा. अजिंठा हली मुक्काम मुगलपुरा सिल्लोड असे आरोपींची नाव आहे. याप्रकरणी पोलिसांनी दिलेल्या माहितीनुसार, फौजिया आणि फाईन हे दोघे पती-पत्नी पंधरा दिवसांपूर्वी सिल्लोड शहरातील मुगलपुरा या भागात कुटुंबासह राहायला आले होते.
Dharashiv News : आईसह नवविवाहितेने आयुष्य संपवलं, ६ महिन्यांपूर्वी झालेलं मुलीचं लग्न; काय घडलं? परिसरात हळहळ
सिल्लोडमध्ये राहायला आल्यानंतर त्यांनी लगेचच दत्तक घेतलेल्या आयातचा छळ करायला सुरुवात केली. पंधरा दिवसांपासून चिमुकलीचा अमानुषपणे छळ सुरू होता. तिला उपाशी ठेवणे, शरीरावर चटके देणे अक्षरशा हातपाय मुरगळून तिचा पाय मोडून टाकला. अवघ्या चार वर्षाच्या चिमुकलीवर झालेल्या या अमानुष छळाने ती गंभीर जखमी झाली होती. दरम्यान गुरुवारी तीन वाजेच्या सुमारास तिची प्राणज्योत मालावली.
Pune Crime : संसार अर्ध्यावर मोडला; सासूकडून छळ, विवाहितेचं टोकाचं पाऊल, पुण्यातील मन हेलावणारी घटना

परस्पर दफनविधी करताना थेट पोलीस अवतरले

आपल्या मारहाणीत दत्तक घेतलेल्या चार वर्षाच्या चिमुकलीचा मृत्यू झाल्याचं फौजिया आणि फईम यांच्या लक्षात आलं. त्यानंतर आपल्यावर कारवाई होऊ नये, तसंच पुरावा नष्ट करण्याच्या उद्देशाने दोघांनी कट रचला. मृत्यू झालेल्या आयातला सिल्लोड येथे कब्रस्तान मध्ये परस्पर दफन करण्याचा ठरलं. त्यानुसार पहाटे तीन वाजेच्या सुमारास दोघांनी परस्पर दफन विधी करण्याचा प्रयत्न केला. मात्र संशयास्पद हालचाली असल्याचे लक्षात आल्यानंतर सतर्क नागरिकांनी घटनेची माहिती पोलिसांना दिली. त्यानंतर पोलीस घटनास्थळी दाखल झाले.

पोलिसांना बघून दोघांच्या पायाखालची जमीन सरकली. पोलिसांनी चिमुकलीचा दफनविधी रोखत मृतदेह सिल्लोड येथील रुग्णालयात दाखल करण्यात आला. या प्रकरणी सिल्लोड पोलिसांनी फौजीया आणि फईम या दोघांना अटक केली आहे. दत्तक घेतल्यानंतर चार वर्षाच्या चिमुकलीचा निर्दयीपणे छळ करून खून का केला? याच कारण अद्याप समजू शकले नाही. मात्र या घटनेमुळे सिल्लोड शहरात हळहळ व्यक्त केली जात आहे.