Kolhapur News : गेला महिनाभर पोलिसांना हुलकावणी देणाऱ्या प्रशांत कोरटकर याला अखेर तेलंगणातील मंचरियालमधून कोल्हापूर पोलिसांनी सोमवारी ताब्यात घेतलं होतं.
गेला महिनाभर पोलिसांना हुलकावणी देणाऱ्या प्रशांत कोरटकर याला अखेर तेलंगणातील मंचरियालमधून कोल्हापूर पोलिसांनी सोमवारी ताब्यात घेतलं होतं. आज सकाळी त्याला जुना राजवाडा पोलिसात आणण्यात आलं. यावेळी कोल्हापूर पोलीस दलाच्या वतीने या ठिकाणी प्रचंड बंदोबस्त ठेवण्यात आला होता. जुना राजवाडा पोलीस ठाण्याचे पोलीस निरीक्षक संजीवकुमार झाडे यांच्यासह स्थानिक गुन्हे अन्वेषण शाखेचे पोलीस निरीक्षक रवींद्र कळमकर उपस्थित होते.
महापुरुषांचा अवमान केल्याप्रकरणी आणि इतिहास अभ्यासक इंद्रजीत सावंत यांना धमकी दिल्याचा गुन्हा जुना राजवाडा पोलिसात कोरटकर विरोधात दाखल करण्यात आला आहे. अंतरिम जामीन मिळवण्यासाठी कोरटकरने अनेक प्रयत्न केले, मात्र जामीन नाकारल्यामुळे अटकेची टांगती तलवार कोरटकरवर होती. अखेर महिनाभर पोलिसांना गुंगारा देणाऱ्या कोरटकरला कोल्हापूर पोलिसांनी ताब्यात घेतलं.
Vidhan Sabha Deputy Speaker : विधानसभा उपाध्यक्षपदासाठी तिघांची नावं चर्चेत, अजितदादांचा कट्टर समर्थक शर्यतीत आघाडीवर
कोल्हापुरी पायताण दाखवण्याचा शिवप्रेमींचा इशारा
छत्रपती शिवराय, छत्रपती संभाजी महाराज, राजमाता जिजाऊ यांच्याबद्दल अपमानकारक वक्तव्य केलेल्या कोरटकरचे कोल्हापुरात आल्यानंतर कोल्हापुरी पायताणाने स्वागत करु, असा इशारा शिवभक्तांनी दिला होता. दरम्यान आज कोरटकर याला कोल्हापुरात आणल्यानंतर शिवभक्त जुना राजवाडा पोलीस ठाण्याबाहेर दाखल झाले. संतप्त प्रतिक्रिया शिवप्रेमींकडून येत आहेत. सध्या कोरटकरला कोणी मदत केली, इथपासून त्याने कोठे कोठे आश्रय घेतला होता, या संदर्भात गेल्या दोन तासांपासून चौकशी सुरू आहे. दुपारच्या सुमारास प्रशांत कोरटकरला न्यायालयात हजर केलं जाणार आहे.
लेखकाबद्दलअनिश बेंद्रेमहाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत | सामाजिक, राजकीय आणि मनोरंजनविषयक बातम्यांमध्ये नैपुण्य | क्राईम विषयाचा ‘मास्टरमाईंड’ | एबीपी माझा, टीव्ही९ मराठीसह पत्रकारिता क्षेत्रात 11 वर्षांहून अधिक अनुभव… आणखी वाचा