कोल्हापूर हद्दवाढिसंदर्भात हद्दवाढ कृती समिती आणि हद्दवाढ विरोधी समितीमध्ये संघर्ष निर्माण होण्याची चिन्ह निर्माण झालेली आहेत. कोल्हापूर शहराच्या हद्दवाढीचा प्रश्न अनेक वर्षांपासून प्रलंबित आहे. आता मात्र सरकार देखील हद्द वाढीसाठी सकारात्मक दिसत आहे.
कोल्हापूर हद्दवाढिसंदर्भात हद्दवाढ कृती समिती आणि हद्दवाढ विरोधी समितीमध्ये संघर्ष निर्माण होण्याची चिन्ह निर्माण झालेली आहेत. कोल्हापूर शहराच्या हद्दवाढीचा प्रश्न अनेक वर्षांपासून प्रलंबित आहे. कोल्हापूर महानगर पालिका स्थापन झाल्यापासून म्हणजेच १९७२ पासून ६६.८२ चौ.कि.मी. इतकीच हद्द आहे. गेल्या कित्येक वर्षात या महानगरपालिकेची हद्दवाढच झालेली नाही. ज्यामुळे शहराच्या विकासावर मर्यादा येत आहेत. महापालिकेने हद्दवाढीसाठी ६ वेळा प्रस्ताव शासनाला पाठवला. अनेक आंदोलन, उपोषण झाली, पण राजकीय विरोधामुळे ते अद्याप मंजूर झालेलं नाहीत.
मात्र आता सरकार देखील हद्दवाढ करण्यासाठी आग्रही असून उद्या मंत्रालयात उपमुख्यमंत्री आणि नगर विकास मंत्री एकनाथ शिंदे यांच्या उपस्थितीत महत्त्वपूर्ण बैठकीचे आयोजन करण्यात आलं आहे. या बैठकीस पालकमंत्री प्रकाश आबिटकर, कोल्हापूर उत्तरचे आमदार राजेश क्षीरसागर, करवीरचे आमदार चंद्रदीप नरके, कोल्हापूर दक्षिणचे आमदार अमल महाडिक यांच्यासह जिल्हाधिकारी कोल्हापूर, मुख्य कार्यकारी अधिकारी जिल्हा परिषद कोल्हापूर, आयुक्त कोल्हापूर महानगरपालिका आणि संबधित अधिकारी उपस्थित राहणार आहेत.
Ladki Bahij Yojana : ‘लाडक्या बहिणींना 2100 रुपये देणार, पण…’, अजित पवार यांची मोठी घोषणा
शिंदे गटाचेच 2 आमदार आमनेसामने
या बैठकीच्या एक दिवस आधीच कोल्हापुरात हद्दवाढी वरून समर्थक आणि विरोधक यांच्यामध्ये संघर्ष वाढला आहे. कोल्हापूर उत्तरचे आमदार राजेश क्षीरसागर हे हद्दवाढीच्या समर्थनार्थ आहेत. मात्र करवीरचे आमदार चंद्रदीप नरके हद्द वाढीला विरोध करत आहेत. यामुळे शिवसेना शिंदे गटाचेच 2 आमदार आमनेसामने आले आहे. तसेच हद्दवाढ विरोधी कृती समिती आणि हद्दवाढ समर्थन कृती समिती दोघांकडून ही शहरात आज आंदोलन पार पडले आहे.
माझ्या मतदारसंघातील 18 गावांचा हद्दवाढीला विरोध आहे. हद्दवाढीला विरोध करण्यासाठी उद्या गावबंदचा निर्णय घेण्यात आला आहे. मी ज्या भागातील प्रतिनिधित्व करतो त्यांचे मत घेऊन मी काम करतो, असे करवीरचे आमदार चंद्रदीप नरके म्हणाले आहेत. तर कोल्हापूरची हद्दवाढ सर्वानुमते व्हावी यासाठी मुख्यमंत्री एकनाथ शिंदे यांनी बैठकीचे आयोजन केलंय.
Jitendra Awhad : जितेंद्र आव्हाड यांच्याकडून गौतमी पाटील हिचं कौतुक, ‘सहा महिन्यांपासून प्रयत्न करतोय, पण…’
हद्दवाढ झाली नाही तर जिल्ह्याचा विकास होणार नाही. प्रत्येकाने आपला इगो बाजूला ठेवायला हवा. विकासासाठी हद्दवाढ गरजेचे आहे. सरकार हद्दवाढ केल्याशिवाय राहणार नाही. मात्र यावेळी सर्वांचे एकमत झाल्यावर हद्दवाढ होईल, असे राजेश क्षीरसागर म्हणत आहेत. एकंदरीतच उद्या मुंबईत पार पडणाऱ्या बैठकीला हे दोन्ही नेते उपस्थित राहणार आहेत याशिवाय आणखी काही लोकप्रतिनिधी उपस्थित असणारा असून आणखी कोणाचा विरोध होतो का की हद्दवाढ होते याकडे संपूर्ण जिल्ह्याचे लक्ष लागून राहिला आहे.