HSRP नंबर प्लेटबाबत मोठी अपडेट; वाहनाधारकांना मोठा दिलासा

परिवहन विभागाने एक जानेवारी २०२५पासून जुन्या वाहनांसाठी ‘एचएसआरपी’ बसवण्याचे काम सुरू केले आहे. मात्र, अपेक्षेप्रमाणे ‘एचएसआरपी’ बसवण्याचे प्रमाण कमी असल्याचे निदर्शनास आले आहे. काही जिल्ह्यांमध्ये ‘फिटमेंट सेंटर’ची संख्या कमी असल्याने वाहनधारकांना अपॉइंटमेंट घेण्यासही अडचणी येत आहेत. परिणामी, अनेक वाहनधारकांना प्रतीक्षा करावी लागत आहे. या पार्श्वभूमीवर, सर्व प्रादेशिक व उप प्रादेशिक परिवहन अधिकाऱ्यांना आपल्या कार्यक्षेत्रातील ‘फिटमेंट सेंटर्स’चा आढावा घेऊन, आवश्यकता असल्यास नवीन केंद्रे सुरू करण्याच्या सूचना परिवहन आयुक्तांनी दिल्या आहेत.