जिल्ह्यात विविध पक्ष-संघटनांच्या वतीने विविध मागण्यांसाठी विविध प्रकारची निदर्शने, आंदोलने, उपोषण, मोर्चे काढले जाण्याची शक्यता आहे. जिल्ह्यात परीक्षांचा काळ सुरू असून यामुळे अचानक घडणाऱ्या घटना व किरकोळ कारणावरुन तणाव निर्माण होवुन कायदा व सुव्यवस्थेचा प्रश्न निर्माण होण्याची शक्यता नाकारता येत नाही. जिल्ह्यात शांतता व सुव्यवस्था अबाधीत राहावी या करीता जमावबंदी आदेश लागू करणे अत्यंत आवश्यक आहे, असे स्पष्ट मत जिल्हा प्रशासनाने व्यक्त केले आहे.
Devendra Fadnavis : नागपूर दंगलीचे बांगलादेश कनेक्शन, मुख्य सूत्रधाराचे पोलीस तपासात नाव समोरया काळात जिल्ह्यात काढण्यात येणाऱ्या प्रतिबंधात्मक आदेशामध्ये मोर्चे, निदर्शने, आंदोलने, धरणे यां सारख्या आंदोलनांमध्ये पाच किंवा त्यापेक्षा अधिक व्यक्तींचा समावेश असलेल्या कोणत्याही जमावास परवानगीशिवाय एकत्र येता येणार नाही. अपर जिल्हादंडाधिकारी शिवकुमार स्वामी यांनी प्रतिबंधात्मक आदेश काढले आहेत. शासकीय कर्मचाऱ्याव्यतिरिक्त अन्य कोणत्याही व्यक्तीस सार्वजनिक ठिकाणी किवा त्याच्या जवळपास खालील गोष्टी करण्यास मनाई करण्यात येत आहे.

शस्त्र, सोटे, काठी, तलवार, बंदूक जवळ बाळगणार नाहीत, असे निर्देश त्यात देण्यात आले आहेत. संतोष देशमुख यांच्या हत्येनंतर सातत्याने गंभीर आरोप केली जात आहेत. धनंजय मुंडे यांचे निकटवर्तीय वाल्मिक कराडला सीआयडीने त्यांच्या आरोपपत्रात आरोपी क्रमांक एक बनवले आहे. गेल्या काही दिवसांपासून बीडमधील मारहाणीचे व्हिडीओ हे सोशल मीडियावर तूफान व्हायरल होताना दिसत आहेत. आमदार सुरेश धस यांचा कार्यकर्ता सतीश भोसले ऊर्फ खोक्या याचेही धक्कादायक व्हिडीओ हे पुढे आले. सुरेश धस यांच्यावरही सातत्याने आरोप होत आहेत.