अंतिम मुदत काय?

एप्रिल २०१९ पूर्वी खरेदी केलेल्या सर्व वाहनांना ‘उच्च सुरक्षा नंबर प्लेट’ लावणे बंधनकारक केले आहे. त्यानुसार, राज्यात वाहनांना नंबर प्लेट लावण्याचे काम सुरू झाले आहे. त्याची अंतिम मुदत ३० एप्रिल २०२५ ही देण्यात आली आहे.

दोन लाखांच्या पुढे नोंदणी

पुणे शहरातच (Pune News) सर्व प्रकारच्या २५ लाख वाहनांना सुरक्षा नंबर प्लेट बसवावी लागणार आहे. आतापर्यंत दोन लाखांच्या पुढे वाहनांसाठी सुरक्षा नंबर प्लेट नोंदणी झाली आहे. सुरक्षा नंबर प्लेट बसविण्याची गती (HSRP Number Plate Process) खूपच संथ आहे. आरटीओने नंबर प्लेट बसविण्यासाठीची केंद्रे वाढविण्याची सूचना केली आहे; पण, त्याचा अद्याप तरी म्हणावी अशी अंमलबजावणी झालेली दिसत नाही.
HSRP Number Plate : गुजरात-गोव्यात एचएसआरपी नंबर प्लेटचे दर निम्मे, वाहनधारकांना आधी विश्वासात घ्या; बाबा आढावांचा संताप
गेल्या काही दिवसांपासून सुरक्षा नंबर प्लेटबाबत गोंधळाचे वातावरण सुरू आहे. काही ठिकाणी नोंदणी केलेल्या वाहनांच्या नंबर प्लेट वेळेत आल्या नाहीत, तर काही सेंटर अचानक बंद झाली. त्यामुळे नागरिकांची गैरसोय झाली.
HSRP नंबरप्लेटसाठी शेवटची तारीख लक्षात ठेवा! नाहीतर घसघशीत १० हजारांचा दंड, ५ महत्त्वाच्या गोष्टी समजून घ्या
सुरक्षा नंबरप्लेट ऑनलाइन बुकिंग (HSRP Number Plate Booking) करताना काही वेळा अडचणी येत होत्या. त्यावरून नागरिकांमध्ये संभ्रमाचे वातावरण आहे. ३० एप्रिलची दिलेली मुदत जवळ आल्यामुळे सुरक्षानंबर प्लेटसाठी बुकिंग वाढले आहे. दिवसाला पाच ते सहा हजार बुकिंग होऊ लागले आहे. परंतु, या नंबर प्लेट बसविण्याची केंद्रे कमी असल्याने काम संथ गतीने सुरू आहे.

शुल्क किती?

दुचाकी आणि ट्रॅक्टर : ४५० रुपये आणि जीएसटी
तीनचाकी वाहने : ५०० रुपये आणि जीएसटी
चारचाकी आणि इतर वाहने : ७४५ रुपये आणि जीएसटी