दहिकर कुटुंबातील आस्थासाठी कालचा दिवस नेहमीसारखाचा सुरु झाला. पण संध्याकाळच्या सुमारास घडलेल्या घटनांनी तिच्यासह तिचं संपूर्ण कुटुंब हादरुन गेलं. आपल्यासोबत घडलेला संपूर्ण घटनाक्रम तिनं कथन केला. ‘काल मी नेहमीप्रमाणे कॉलेजहून येत होते. तेव्हा समोर जमाव दिसला. तेव्हा ते रिक्षावाल्यांना सांगत होते, तुम उधर जाओ मत. हम तुमको मार डालेंगे. या तुम जिंदा वापस आओगे इसकी हम गॅरंटी नही लेते. आमची रिक्षा अडवण्यात आली. सगळी वाहतूक रोखून ठेवली होती. कोणालाच कुठेच जाऊ देत नव्हते. तरी रिक्षावाल्यानं मोठ्या मुश्किलीनं आम्हाला इथे आणलं. त्यावेळी चिटणीस पार्कजवळ किमात ८०० ते ९०० लोक उभे होते. मी तिथून चालत घरी निघाले. तेव्हा आमच्या गल्लीत त्यांच्या घोषणा सुरु होत्या, शिवीगाळ सुरु होती,’ असं आस्थानं सांगितलं.
Nagpur Violence: नागपुरात राडा! दोन गट आमनेसामने; घोषणाबाजी, दगडफेक, जाळपोळीमुळे तणावाची परिस्थिती
आस्थाची आई स्वाती यांना काल घडलेला घटनाक्रम सांगताना अक्षरश: रडू कोसळलं. ‘अतिशय तणावाची परिस्थिती होती. मी दर २ मिनिटाला आस्थाला फोन करुन कुठे आहेस विचारत होते. तू कशी आहेस, कुठून येतेस हे मी तिला सतत विचारत होते आणि देवाचा धावा करत होते. कालची परिस्थिती खूप वाईट होती. माझे मिस्टर घरी नव्हते. माझ्या वडिलांना आताच हार्ट स्ट्रोक येऊन गेलाय. ते रुग्णालयात होते. त्यांना शनिवारीच डिस्चार्ज मिळाला. त्यांना काल घडलेली परिस्थिती अजून माहीत नाही. त्यांना समजलं तर त्यांचा बीपी वाढेल. मग त्यांना कसं सावरायचं, असा प्रश्न माझ्यासमोर होता,’ हे सांगताना स्वाती दहिकरांच्या डोळ्यांत पाणी आणि चेहऱ्यावर भीती होती.
Eknath Shinde: ठाकरे मोदींना जाऊन भेटले, म्हणाले युती करायचीय, पण…; विधिमंडळात शिंदेंचा मोठा गौप्यस्फोट
‘खूपच भयंकर परिस्थिती होती. घराचं दार मी अक्षरश: पकडून ठेवलं होतं. घरात बाकी कोणीच नव्हतं. आम्ही महिलाच होतो. ती परिस्थिती सांगताना मला शब्द अपुरे पडत आहेत. माझ्या वडिलांना डॉक्टरांनी आरामाचा सल्ला दिला आहे. त्यांच्या मेंदूवर कोणताही ताण पडता कामा नये असं डॉक्टरांनी सांगितलं आहे. ते आतल्या खोलीत आहेत. बेडरुममध्ये झोपलेले आहेत. काल झालेला प्रकार आम्ही त्यांना सांगितलेला नाही. काल त्यांच्या खोलीत जाताना मी चेहऱ्यावर हसू ठेवलं. पण मनात प्रचंड भीती होती. मी कालची परिस्थिती कशीबशी हाताळली,’ अशा शब्दांत स्वाती दहिकरांनी आपबिती सांगितली.

काल घडलेली घटना पूर्वनियोजित वाटत होती, असा संशय आस्थानं व्यक्त केला. त्या जमावाकडे सिमेंटचे गोटे होते. ते गोटे गाड्यांवर टाकले जात होते. आमच्या आसपास कुठेच बांधकाम सुरु नाही. त्यामुळे या सगळ्या वस्तू आल्या कुठून? या वस्तू आधीपासूनच आणून ठेवलेल्या होत्या. आम्ही या परिसरात रोज फिरतो. आम्हाला इकडे कधीच गोटे, बांबू दिसले नाहीत. मग या सगळ्या वस्तू त्या जमावाकडे आल्या कुठून?,’ असे प्रश्न आस्थानं उपस्थित केले.