चंद्रपूर: तळहाताच्या फोडाप्रमाणे ज्यांना जपलं, त्यांनी अवेळी जग सोडलं. ज्यांचा खांद्यावरुन शेवटचा प्रवास करायचा होता, त्यांनाच खांदा देण्याची दुर्दैवी वेळ बापावर आली. त्यांचं दुःख शब्दांपलीकडचं आहे. मुलांचे मृतदेह बघताच त्यांनी एकच हंबरडा फोडला. एका घरातील दोन वंशाचे दिवे विझले. त्यांना धीर देणाऱ्या भावाच्या घरातील हसणारे दोन चेहरे अंधारात कायमचे हरवले. चंद्रपूर जिल्हात आज घडलेल्या दुर्दैवी घटनेने दोन कुटुंबांच्या घरांमध्ये अश्रूंचा अक्षरश: पूर आला.

जिल्ह्यातील प्रसिद्ध घोडाझरी तलावात पोहण्याचा आनंद घेण्यासाठी चिमूर तालुक्यात येणाऱ्या साठगाव-कोलारी गावातील पाच तरुण आज दुपारच्या सुमारास गेले होते. जनक गावंडे, यश गावंडे, अनिकेत गावंडे, तेजस गावंडे, तेजस ठाकरे या पाच जीवलग मित्रांनी पोहण्यासाठी तलावात उडी घेतली. पाण्याचा अंदाज न आल्याने पाच मित्र बुडाले. घटनेची माहिती पोलीस विभागाला देण्यात आली. पोलिसांनी घटनास्थळ गाठून बुडालेल्या पाच तरुणांचा शोध सुरु केला. बुडालेल्या पाच तरुणांचे मृतदेह बाहेर काढण्यात आले.
होळी दिवशी कर्तव्य बजावताना पोलीस अधिकाऱ्याचा मृत्यू; कर्तव्यदक्ष पोलिसाच्या निधनानं हळहळ
दोन सख्ख्या भावांचा मृत्यू
या दुर्दैवी घटनेत गावंडे परिवारावर दुःखाचा डोंगर कोसळला आहे. दोन सख्ख्या भावांचा या घटनेत मृत्यू झाला आहे. यश, जनक अशी त्या भावंडांची नावे आहेत. त्यांचे चुलत भाऊ अनिकेत आणि तेजस यांचाही या घटनेत अंत झाला आहे.
भयंकर! होळी खेळताना थेट गोळी झाडली, गळाभेट कारण ठरली; भाजप नेता थोडक्यात बचावला
…अन् तो वाचला
घोडझरी तलावात पोहण्यासाठी गेलेल्यांमध्ये आर्यन इंगोले हा तरुणदेखील होता. बुडालेल्या पाच जणांसोबत आर्यनही होता. या दुर्दैवी घटनेतून आर्यनने कसेबसे स्वतःला वाचवले. त्याने डोळ्यांदेखत पाच मित्रांना जलसमाधी मिळताना पाहिले. या घटनेने तो पुरता हादरला. त्याने स्वतःला सावरत पोलिसांना घटनेची माहिती दिली.