अंजली दमानिया ट्विटमध्ये काय म्हणाल्या?

“मस्साजोग गावचे सरपंच संतोष देशमुख यांच्या हत्येने संपूर्ण महाराष्ट्र ढवळून निघालेला आसताना आज धुरवडीला केज शहरातल्या साई नगर येथे संतोष देशमुख हत्या प्रकरणामुळे निलंबित पोलीस उपनिरिक्षक राजेश पाटील आणि याच हत्याकांडामुळे सक्तीच्या रजेवर पाठवलेले पोलीस निरिक्षक प्रशांत महाजन हे धुरवडीला रंगाची उधळण करुन आनंद साजरा करताना दिसले. विशेष म्हणजे या दोघांनी संतोष देशमुख हत्याकांडाची सुनावणी घेणारे जिल्हा आणि सत्र न्यायालयाचे न्यायाधीश सुधीर भाजीपाले हे साई नगर केजमध्येच राहतात. ते या हत्या प्रकरणात संशयित आरोपी असलेल्यांसोबत रंगाची उधळण करताना दिसत आहेत. आता न्यायाधीशांचे जर आरोपीला वाचणारे हे निंलबित आधिकारी यांच्यासोबत केस चालू असताना, जज होळी खेळत असतील तर हे खूप चुकीचे आहे”, असं अंजली दमानिया म्हणाल्या आहेत.
Shiv Sena : एकनाथ शिंदेंच्या शिवसेनेच्या जिल्हाप्रमुखाची निर्घृणपणे हत्या, दूध घ्यायला घराबाहेर पडले अन् डेअरीवर गोळीबार
“विष्णू चाटेच्या ऑफिसमध्ये 29 नोव्हेंबरला जी बैठक झाली, त्या बैठकीत सगळेच्या सगळे कट करणारी लोकं उपस्थित होती. त्यांच्याबरोबर तिथे उपस्थित राहणारे अधिकारी होते ते हे राजेश पाटील. असे हे दोन व्यक्ती जेव्हा न्यायाधीशांसोबत दिसतात तेव्हा हे चुकीचं आहे. माझी अशी मागणी आहे की, यापुढे ही जी सुनावणी आहे, ती या न्यायाधीशांकडून काढून घ्यावी, अशी मागणी न्याय व्यवस्थेकडे करणार आहे. तसेच प्रिन्सिलपल जज यांच्याकडेही करणार आहे. संबंधित न्यायाधीशांकडून खटला काढून घेऊन दुसऱ्या न्यायाधीशांची नियुक्ती करण्याची विनंती मी करणार आहे”, अशी प्रतिक्रिया अंजली दमानिया यांनी दिली.

‘कृपया आम्हाला आरोपीसारखे वागवू नका’

दरम्यान, प्रशांत महाजन यांनी काही पत्रकारांना या फोटोवर स्पष्टीकरण दिल्याचे व्हाट्सअपचे स्क्रिनशॉट आता समोर आले आहेत. “प्रिय मित्र विनोद, आपणास धुलीवंदनाच्या हार्दिक शुभेच्छा! आज आमच्या वैयक्तिक आयु्ष्यामध्ये सर्व शेजारी राहणारे अधिकारी, मित्रवर्ग, व्यापारी असे सामान्य लोकांप्रमाणेच धुलीवंदनाचा तोंड साजरा करत होतो. यात आमच्या वैयक्तिक जीवनामध्ये आम्ही आनंद उपभोगायचा आहे किंवा कसे? वैयक्तिक सण साजरा करताना शेजारी राहणाऱ्या संबंधांमध्ये अशा प्रकारची बातमी करुन तुम्ही काय साध्य करत आहात? तुम्हाला सर्वप्रथम सांगू इच्छितो की, आम्ही तुम्ही उल्लेख केल्याप्रमाणे आरोपी नाही. कृपया आम्हाला आरोपीसारखे वागवू नका. आमच्या वैयक्तिक जीवनामध्ये आम्ही काय करावे काय करु नये? याची जाणीव आम्हास निश्चित आहे”, असं प्रशांत महाजन मेसेजमध्ये म्हणाले आहेत.