महाराष्ट्र विधिमंडळाचे अर्थसंकल्पीय अधिवेशन सुरू आहे. शक्तीपीठ मार्गाच्या विरोधातल्या मोर्चात मुंबईत झालेल्या आंदोलनात…माझ्यावर विश्वास ठेवू नका, माझं काही खरं नाही असं म्हणत…शरद पवार गटाचे नेते जयंत पाटील यांनी अनेक शंकांना वाट मोकळी करून दिली.त्यानंतर राजकीय वर्तुळात चांगलीच चर्चा रंगली आहे. जयंत पाटील लवकरच अजित पवारांच्या राष्ट्रवादीत दिसतील अशी चर्चा सुरू झालीये. दरम्यान यावर काँग्रेस नेते विजय वडेट्टीवार यांनी प्रतिक्रिया दिली आहे. ते म्हणाले, जयंत पाटील एका पक्षाचे मोठे नेते आहेत. प्रदेशाध्यक्ष आहेत.त्यांच्या बोलण्यातून नाराजी जाणवते. त्यांच्या बोलण्याचा नेमका अर्थ काय? पण कुठल्या अर्थाने जयंत पाटील बोलले हे मला माहिती नाही.