मंगळवार ११ मार्च रोजी नऊ वाजताच्या सुमारास हिंगोली औंढा नागनाथ रोडवरील पिंपरी लिंबाळा मक्ता परिसरात मनसे विद्यार्थी सेनेचे जिल्हाध्यक्ष हे आपल्या कारमधून औंढा नागनाथ येथून हिंगोलीकडे येत होते. यावेळी त्यांची कार आणि पिकअप वाहनाचा अपघात झाला. हा अपघात एवढा भीषण होता की, या अपघातात कारचे इंजिन कारमधून बाहेर पडले असल्याचं दिसत आहे.
Gaurav Ahuja : जिथे सूसू करत अश्लील चाळे, तिथेच पुणे पोलिसांनी धिंड काढली; गौरव अहुजाचा मित्रासकट माज उतरवला
२५ वर्षांचा अजिंक्य घुगे हा मनसे जिल्हाध्यक्ष बंडू कुठे यांचा भाचा होता. त्याचा अपघातात जागीच मृत्यू झाला आहे, तर या अपघातात दोन जण गंभीर जखमी झाले आहेत. अपघातात कार (Mh 29BC5331) व पिकअप वाहन (MH46BM3136) या दोन वाहनात समोरासमोर टक्कर झाली.
Pune Crime : अनैतिक संबंधात अडथळा, पुण्यात महिलेने बॉयफ्रेण्डच्या मदतीने नवऱ्याचा काटा काढला, ॐ च्या टॅटूमुळे गेम फिरला
वाहनाच्या धडकेचा आवाज झाल्याने परिसरातील संतुक पिंपरी लिंबाळा येथील ग्रामस्थांनी घटनास्थळी धाव घेतली. घटनेची माहिती ग्रामीण पोलिसांना देण्यात आली. ग्रामीण पोलीस स्टेशनचे श्याम कुमार डोंगरे यांनी तात्काळ घटनास्थळी येऊन जखमींना उपचारासाठी जिल्हा रुग्णालयात दाखल केले व घटनेचा पंचनामा केला. ग्रामीण पोलीस स्टेशनमध्ये या घटनेची रात्री उशिरा नोंद घेण्यात आली. दिनेश पोले, निखिल पराडकर अशी जखमींची नावे आहेत. या घटनेची माहिती कळताच परिसरामध्ये हळहळ व्यक्त केली जात आहे.