नवी मुंबई: उलवेतील सेंट विल्फ्रेड स्कूलमधील एक धक्कादायक प्रकार समोर आला आहे. दिनांक २७ फेब्रुवारीपासून शाळेत परीक्षा सुरू झाल्या होत्या. मात्र शाळेने एका आठवीतील मुलीला फी न भरल्यामुळे परीक्षेला बसण्यास मनाई केली आणि अंतिम परीक्षा देऊ न शकलेल्या विद्यार्थिनीचे अख्खे वर्षच शाळेच्या मनमानी कारभारामुळे वाया गेले आहे. या घटनेबाबत सर्वत्र संताप व्यक्त होत आहे. या मुलीला शाळेकडून अत्यंत अपमानास्पद वागणूक देण्यात आली. गेले ४ महिने तिला शाळेत बसू दिले नाही. याप्रकरणी पालकांनी दाद मागितली असता विद्यार्थिनीला अपमानित केल्याबाबतचे आरोप शाळेने फेटाळले आहेत. याबाबत कोणतेही स्पष्टीकरण शाळेने दिलेले नाही.

आर्थिक परिस्थिती बिकट असल्याने शुल्क सध्या भरता येणार नाही. शुल्क भरण्यासाठी मुदत द्यावी, अशी विनंती पालकांनी शाळेकडे केली. मात्र, शाळेने मुदत दिली नाही. शिक्षण हक्क कायद्यानुसार कोणत्याही विद्यार्थ्याला शुल्क न भरल्याने शाळेतून काढता येत नाही. विद्यार्थ्याला शाळेत बसू दिले नाही तर, तो गुन्हा ठरतो. मात्र याबाबत कोणतीही तमा न बाळगता उलवे येथील सेंट विल्फ्रेड स्कूलने अत्यंत निंदनीय प्रकार केला आहे.
EDच्या अधिकाऱ्यांवर हल्ला; माजी CMच्या घरावर धाड टाकल्यावर कार्यकर्त्यांकडून दगडफेक
यानंतर अनेक सामाजिक संस्था आणि कार्यकर्ते आक्रमक झाले असून पीडित मुलीला न्याय मिळण्यासाठी त्यांनी तात्काळ शाळेत धाव घेतली. यावेळी समाजसेवक सुनील वाडकर आणि शिवसेना उपजिल्हा प्रमुख स्नेहा देशपांडे यांनी शाळा प्रशासनाला धारेवर धरत अनेक प्रश्न उपस्थित केले.
GST विभागाच्या उपायुक्तांनी आयुष्य संपवलं; १५ व्या मजल्यावरुन उडी; घटनेनं परिसरात खळबळ
समाजसेवक तेजस डाकी यांच्या कानावर ही बाब पडताच ते या विद्यार्थिनीला स्वतःची मुलगी मानून तात्काळ शाळेत हजर झाले. या विद्यार्थिनीची संपूर्ण फी भरण्यास आपण समर्थ असल्याचा विश्वास त्यांनी या विद्यार्थिनीच्या हतबल झालेल्या पालकांना दिला आणि शाळा प्रशासनाला देखील अत्यंत कडक शब्दांत जाब विचारला.