Navi Mumbai Shocking News : नवी मुंबईच्या प्रसिद्ध हॉटेलमधून अत्यंत किळसवाणा प्रकार समोर आला आहे. टेबलवर आलेल्या जेवणात चक्क मेलेला उंदीर सापडला आहे.
नवी मुंबईच्या ऐरोली येथील सेक्टर ४ मधील ‘पर्पल बटरफ्लाय’ या प्रसिद्ध हॉटेलमध्ये हा जीवघेणा प्रकार घडला. एका सोसायटीमधील १० महिला या हॉटेलमध्ये आंतरराष्ट्रीय महिला दिनानिमित्त जेवायला गेल्या होत्या. पण त्यांना ताटातील दृश्य पाहून धक्काच बसला आहे. ताटातील जेवणात चक्क मेलेला उंदीर आढळल्याने एकच खळबळ उडाली. महिलांना अक्षरशः मळमळू लागले होते. वाढलेल्या ताटात मेलेल्या उंदराचे पिल्लू बघून महिलांसह इतरांनी सुद्धा हॉटेल व्यवस्थापनाला धारेवर धरले आहे. मात्र हॉटेल व्यवस्थापनाने आपली चूक मान्य न करता महिलांवर अरेरावी केल्याचा आरोप महिलांनी केला आहे.
दरम्यान महिलांनी तीव्र विरोध केल्यावर हॉटेल व्यवस्थापनाने आपली चूक मान्य केली आहे. याप्रकरणी महिलांनी रबाळे पोलीस ठाणे गाठले पणे तेथेही तक्रार दाखल करण्यास रात्री दीड वाजेपर्यंत ताटकळत ठेवण्यात आले. यानंतर महिलांनी पोलीस प्रशासनावर नाराजी व्यक्त केली आहे. हॉटेल व्यवस्थापनाने पुराव्यांसोबत छेडछाड केल्याचाही आरोप महिलांनी केला आहे. अखेर पोलिसांमार्फत रात्री उशिरा हॉटेल विरोधात गुन्हा दाखल करण्यात आला आहे.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा