Pune Wife Ends Life: पुण्यात एका महिलेने आपलं आयुष्य संपवलं आहे. या महिलेने एक पत्रही लिहिलं आहे. ज्यामध्ये तिने हे मी माझ्या मर्जीने करत असल्याचं लिहिलं आहे.
विनिता जैन (वय ३२) असं आपलं आयुष्य संपवलेल्या विविहितेचं नाव आहे. तर, हिमांशु दिनेश जैन (वय ३५) असं पतीचं नाव असल्याची माहिती आहे. हेमंतकुमार माणकचंदजी जैन यांच्या फिर्यादीवरुन पोलिसांनी हिमांशुविरोधात गुन्हा दाखल केला आहे.
याप्रकरणी पोलिसांनी दिलेल्या अधिक माहितीनुसार, हेमंतकुमार यांची मोठी मुलगी विनिताचा विवाह हिमांशु जैनसोबत २२ जानेवारी २०१७ ला झाला होता. हिमांशु हा इंजिनिअर आले. लग्नाच्या काही माहिन्यांनी नोकरीकरिता हे दोघे पुण्यात आले. पुण्यात हे जोडपे पिंपळे सौदागर येथे राहत होता. ११ फेब्रुवारी २०२३ ला विनिताने एका गोंडस मुलीला जन्म दिला. पण, आई होण्याचा आनंद नियतीने काहीच दिवसात विनिताकडून हिरावून घेतला. २७ फेब्रुवारी २०२४ ला बेडवरुन पडल्याने मुलीचा मृत्यू झाला. आपली मुलगी सिरतचा मृत्यू झाल्यानंतर हिमांशु हा विनिताचा छळ करु लागला.
त्यानंतर विनिताला कळालं की हिमांशुचे एका तरुणीसोबत अनैतिक संबंध आहेत. त्यानंतर ती आपल्या माहेरी उदयपूरला आली. तेव्हा हिमांशुच्या आई-वडिलांनी तिला समजावलं आणि आश्वासन दिलं की हिमांशु आता असं काहीही करणार नाही आणि ते तिला पुन्हा पुण्याला घेऊन आले. मात्र, तरीही हिमांशुचे अनैतिक संबंध सुरुच होते. आपल्या लेकीला होत असलेला त्रास पाहून वडील हेमंतकुमार यांनी हिमांशुची गर्लफ्रेण्ड दिशाला अहमदाबाद विमानतळावर भेट घेऊन समजावलं होतं. मात्र, त्यानंतर हिमांशु विनिताला अधिकच त्रास देऊ लागला. याच जाचाला कंटाळून विनिताने २५ फेब्रुवारीला गळफास घेतला.
विनिताने इतकं मोठं पाऊल घेतल्यानंतरही हिमांशु किंवा त्याच्या घरच्यांनी विनिताच्या वडिलांना याबाबत कळवलं नाही. त्यांच्या नातेवाईकांनी त्यांना कळवलं. पोलिसांनी त्यांना सांगितलं की, हिमांशु हा खोलीत असताना विनिताने आपलं आयुष्य संपवलं. पोलिसांना घरात एक रजिस्टर मिळालं असून त्यामध्ये इंग्रजीत लिहिलं आहे की, ये सब कुछ मैने मेरी मर्जी से किया हैं. किसी की कोई गलती नही है, मेरी आखरी इच्छा है मेरे जितने भी गोल्ड और पैसा है उससे सिरत चिल्ड्रेन केअर हॉस्पिटल बनाना, छोटे बच्चे के लिए अच्छा डॉक्टर हायर करता, असं या पत्रात लिहिलेलं होतं.
जेव्हा विनिताच्या वडिलांनी हे पत्र पाहिलं तेव्हा त्यांना नावामध्ये आणि सहीमध्ये चुका आढळून आल्या. त्यांना संशय आला. त्यांनी पोलिसांना सांगितलं की, ही सुसाइट नोट विनिताने नाही तर हिमांशुने लिहिली आहे. सध्या पोलिस याप्रकरणाचा तपास करत आहेत.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा