Jaykumar Gore on Sanjay Raut allegation – संजय राऊत यांनी केलेल्या आरोपांवर मंत्री जयकुमार गोरे यांनी प्रतिक्रिया दिली आहे. त्यांनी आरोप खोटे आहेत असे म्हणत ज्यांनी कोणी बदनामी केली आहे त्यांच्यावर अब्रुनुकसानीचा खटला दाखल करण्याचे म्हटले आहे.
हक्कभंग, अब्रुनुकसानीचा खटला
मंत्री जयकुमार गोरे यांनी आरोपांवर खोडून काढत म्हटले की, माझ्या वडिलांचे सात दिवसांपूर्वी निधन झाले पण त्यांचे अस्थि विसर्जनही करु दिले नाही. एवढे खालच्या पातळीचे राजकारण विरोधकांनी करावे असे मला अपेक्षित नव्हते. मी जबाबदार पदावर काम करतो. मला विचारलेल्या प्रश्नाची उत्तर देण्याची जबाबदारी आहे. या घटनेसंबंधी न्यायालयाने निकाल दिला आहे. ज्यांनी माझ्यावर आरोप केला त्या प्रत्येकावर मी हक्कभंग आजच सभागृहामध्ये आणणार आहे. संबंधितांनी माझी बदनामी केली असून त्यासंदर्भात अब्रुनुकसानीचा खटलाही दाखल करणार आहे.
मी फोटो पाठवले नाहीत
निर्दोष मुक्तता केल्यानंतरही त्या महिलेला त्रास दिला जातो या प्रश्नाला उत्तर देताना गोरे म्हणाले की, त्रास दिला की नाही दिला यासंदर्भात पोलिसांनी चौकशी करावी. चौकशी करुन जो कोणी दोषी आहे. किंवा जे कोणी खोट्या भानगडी करत आहेत त्यांच्यावर कारवाई करावी. विवस्त्र फोटोंवर प्रतिक्रिया देताना त्यांनी सांगितले की, न्यायलयाने निर्दोष मुक्तता केली आहे. मी कोणतेही फोटो पाठवले नाही.
लेखकाबद्दलनारायण परब महाराष्ट्र टाइम्स मध्ये कंटेन्ट रायटर म्हणून कार्यरत आहे. २०१७ पासून डिजिटल मीडियामध्ये विविध वेबपोर्टलसाठी काम केले आहे. नवराष्ट्रसाठी कंटेन्ट रायटर म्हणून काम केले असून विविध इंस्टाग्राम पेजसाठी ही कंटेन्टची निर्मिती केली आहे. जनसंपर्क क्षेत्रातही फ्रिलान्सर म्हणून काम करण्याचा अनुभव. ऑल इंडिया रेडिओसाठीही काम केले आहे . क्रीडा, राजकारण, देश-विदेश, मनोरंजन, करिअर, ऑटो या कार्यक्षेत्रांमध्ये विशेष रस.
साठये महाविद्यालयातील माध्यम विभागात २०१७ पासून व्याख्याता म्हणून कार्यरत.… आणखी वाचा