“गेले काही दिवस सातत्याने एक प्रश्न विचारला जात होता की, विरोधी पक्षनेतेपदाबाबत दावा सांगणार आहात की नाहीत? शिवसेनेने आज विरोधी पक्षनेतेपदाबाबत दावा केलेला आहे. साहजिकच आहे, काँग्रेस असो किंवा राष्ट्रवादी असो, महाविकास आघाडी म्हणून या पुढची वाटचाल आम्ही एकत्र करणार आहोत. इतर सुद्धा ज्या काही गोष्टी आहेत त्याबद्दलही चर्चा सुरु आहे. यापुढे सुद्धा चर्चा करु. आम्ही एकत्रितपणे याबद्दल निर्णय घेत राहू. पण आज मात्र विधानसभा अध्यक्षांकडे विधानसभेतल्या विरोधी पक्षनेतेपदासाठी आम्ही भास्करराव जाधव यांच्या नावाची मागणी केली आहे”, असं उद्धव ठाकरे यांनी सांगितलं.

‘बजेटपूर्वी विरोधी पक्षनेता असायला पाहिजे’

“आम्हाला खात्री आहे की, लोकशाही मुल्यांचं पालन करुन लवकरात लवकर याबाबत निर्णय होईल आणि येत्या बजेटपूर्वी, कारण बजेटमध्ये विरोधी पक्षनेता असायला पाहिजे, जो जनतेच्यावतीने काही बोलू शकेल. आम्ही अपेक्षा अशी करतोय, मुख्यमंत्री ज्याप्रमाणे स्वच्छ कारभार करत आहेत. त्यांनी काल सांगितलं की, केंद्रीय मंत्र्यांच्या मुलीची काल छेड काढली गेली. स्वत: मुख्यमंत्री बोलले की, कोणत्याही पक्षाचा असला तरी त्याला दया, क्षमा दाखवली जाणार नाही. त्याचपद्धतीने याबाबतही निर्णय होईल, असं मला वाटतं”, असं उद्धव ठाकरे म्हणाले.
Maha Vikas Aghadi : आतली बातमी! अडीच वर्षे विरोधी पक्षनेतेपद द्या, शरद पवारांच्या राष्ट्रवादीची मागणी

‘अडीच-अडीच वर्षे असा काही फॉर्म्युला नाही’

“विरोधी पक्षनेतेपदाबाबत अडीच-अडीच वर्षे असा काही फॉर्म्युला नाही. आम्ही एकत्रितपणे पुढे जात आहोत. बऱ्याच गोष्टी आहेत, निवडणुका असतील किंवा काही असतील तर पुढे बघू”, अशी प्रतिक्रिया उद्धव ठाकरे यांनी दिली. “भाजपला विरोधी पक्षनेतेपदासाठी आदित्य ठाकरे यांचं नाव चालणार होतं हे मला आधी कळलं असतं तर बरं झालं असतं, म्हणजे घराणेशाहीला त्यांचा विरोध नाही हे मला कळलं असतं तर बरं झालं असतं”, असा टोला देखील उद्धव ठाकरेंनी भाजपला लगावला.