विधिमंडळाच्या आवारात सुरेश धस आणि भास्कर जाधव यांची भेट झाली. यावेळी दोघांनी एकमेकांना आलिंगन दिलं. हा प्रसंग अनेकांनी कॅमेऱ्यात कैद केला. त्यावेळी तिथे उपस्थित असलेल्या एका पत्रकारानं ‘महाराष्ट्राला मिळालेले दोन विरोधी पक्षनेते’ असं म्हणत ‘हेडलाईन’ दिली. त्यावर जाधव आणि धस जोरात हसले. धस तर अगदी खळखळून हसले. त्यांनी पत्रकाराला टाळी दिली. देशमुख यांच्या निर्घृण हत्येचं प्रकरण विरोधकांपेक्षा धस यांनीच ताकदीनं लावून धरलं. त्यांनी गेल्या अधिवेशनात देशमुख यांच्या हत्यवेळी घडलेल्या घडामोडी, त्यांना देण्यात आलेल्या वेदना, यातना सभागृहात मांडल्या होत्या. धस यांच्यामुळेच या प्रकरणाच गांभीर्य सभागृहाच्या लक्षात आलं.
Santosh Deshmukh Murder Case: कृष्णा आंधळेची हत्या झालीय! सरपंच देशमुख हत्या प्रकरणात आव्हाडांचा मोठा गौप्यस्फोट
सुरेश धस यांनी देशमुख हत्या प्रकरणाचा सातत्यानं पाठपुरावा केला. त्यांच्या या कामाचं नवनियुक्त विरोधी पक्षनेते भास्कर जाधव यांनी मुक्तकंठानं कौतुक केलं. देशमुखांना न्याय मिळवून देण्याकरता तुम्ही केलेल्या कामाचं कौतुक वाटतं, अशा भावना जाधव यांनी बोलून दाखवल्या. धस यांनी जाधव यांची गळाभेट त्यांचं विरोधी पक्षनेते झाल्याबद्दल अभिनंदन केलं. त्यांची गळाभेट होताच ‘महाराष्ट्राला मिळालेले दोन विरोधी पक्षनेते’ अशी कमेंट एका पत्रकारानं केली. त्यानंतर एकच हशा पिकला. पत्रकाराच्या वाक्यावर धस अगदी मनापासून हसले.
Dhananjay Munde: …तर तुमची हकालपट्टी करावी लागेल! CMचा मुंडेंना इशारा; राजीनाम्याची इनसाईड स्टोरी
दोन विरोधी पक्षनेते अशी पत्रकाराची कमेंट ऐकताच भास्कर जाधवांनी सुधारणा सुचवली. एक भाजपलाच भाजपमध्ये मिळालेला विरोधी पक्षनेता असं म्हणा, असं जाधव म्हणाले. जाधव यांची विरोधी पक्षनेतेपदी निवड झाल्याबद्दल धस यांनी आनंद व्यक्त केला. ‘साहेबांची निवड झाली याचा मनापासून आनंद आहे. ते या पदासाठी योग्य व्यक्ती आहेत. तेच विरोधी पक्षनेते व्हावेत, होतील, असं मनापासून वाटत होतं. नेमकं तसंच घडलं. याचा आनंद आहे,’ अशा भावना धस यांनी बोलून दाखवल्या.