Pune Crime :पुण्यातील शिरूर तालुक्यात १९ वर्षीय युवतीवर झालेल्या सामूहिक बलात्काराद्वारे दोन आरोपींनी जबरदस्तीची धक्कादायक घटना घडवली. आरोपींनी युवतीला धमकावत आणि तिचे मोबाईलमध्ये व्हिडिओ चित्रित करून तिच्यावर अत्याचार केले. आरोपींना अटक करण्यात आले असून पोलीस तपासणी सुरू आहे.
अमोल नारायण पोटे ( वय. २५ वर्षे रा. संस्कृती डेव्हलपर्स पवार यांचे बिल्डींग मध्ये कारेगाव ता. शिरूर जि.पुणे मुळ रा. ढोकराई फाटा ता. श्रीगोदा जि. अहिल्यानगर ) व किशोर रामभाऊ काळे ( वय २९ वर्षे रा संस्कृती . डेव्हलपर्स लेन नं. १ कारेगाव ता. शिरूर जि.पुणे मुळ रा. किल्ले धारूर ता.धारूर जि.बीड ) या दोघांच्या मुसक्या आवळल्या असल्याची माहिती पोलिसांकडून देण्यात आली आहे. कारेगाव परिसरात हा प्रकार घडला आहे.
शिरूर तालुक्यातील कारेगाव ( ता.शिरूर ) येथे १ मार्च रोजी बाभूळसर रस्त्यालगत रात्रीच्या सुमारास १९ वर्षीय पीडित युवती आणि मामेभाऊ गप्पा मारत होते. त्याचवेळी दुचाकीवरून आलेल्या दोघांनी चाकुचा धाक दाखवत जीवे मारण्याची धमकी देवुन हाताने लाथाबुक्क्यांनी मारहाण करून जबरदस्तीने युवतीला मामेभावासोबत शरीर संबध करण्यास भाग पाडले. हा सर्व प्रकार मोबाईल फोनमध्ये व्हिडिओ चित्रित करून या मद्यधुंद अवस्थेत असलेल्या दोन नराधमांनी पीडित युवतीवर आळीपाळीने बलात्कार करण्यात आला आहे. ही संपूर्ण घटना घडल्यानंतर आरोपींनी पीडित युवतीच्या अंगावरील सोन्याचे दागिने काढून घेतले असल्याची माहिती पोलिसांनी दिली आहे.
पीडित युवती आणि मामेभाऊ घरी आल्यानंतर बहिणीस घडलेला प्रकार सांगितला. त्यानंतर पीडित युवतीच्या बहीणीचे पती यांनी ११२ वर कॉल करून या प्रकाराबाबत माहिती दिली. पोलीसांनी घडलेल्या घटनेचा आढावा घेऊन अमोल नारायण पोटे आणि किशोर रामभाऊ काळे या दोघांच्या मुसक्या आवळल्या आहेत. या घटनेचा प्राथमिक तपास रांजणगाव एमआयडीसी पोलिस ठाण्याचे पोलिस निरीक्षक महादेव वाघमोडे यांच्या मार्गदर्शनाखाली पोलिस उपनिरीक्षक सविता काळे करत आहेत.