दारूच्या व्यसनामुळे विकी आई-वडिलांना शिवीगाळ करून मारहाण करत असल्याने त्रस्त वडिलांनी जेसीबी चालक रवींद्र पाटील याला मुलाच्या हत्येची सुपारी दिली होती. मुलाची हत्या झाल्यानंतर विकीचे वडील विठ्ठल पाटील यांनी गळफास लावून घेतला. मृत्यूआधी विठ्ठल पाटील यांनी एक चिठ्ठी लिहिली होती, यात त्यांनी आपण मुलाची हत्या करून स्वत: जीवन संपवत असल्याचं लिहिलं होतं.

विठ्ठल पाटील यांनी सुपारी दिल्यानंतर रवींद्र पाटील याने विकीला दारू पाजून शेतात नेले आणि त्याची गळफास लावून हत्या केली. यानंतर मृतदेह लपवण्यासाठी त्याने जेसीबीच्या साहाय्याने खड्डा खोदला आणि विकीचा मृतदेह त्यात पुरला. विकीची हत्या झाल्यानंतर त्याच्या वडिलांनी चिठ्ठी लिहिली आणि स्वत: गळफास लावून घेतला.

पत्नीचा चुलत सासरे आणि दिरावर होता संशय
पोलिसांनी चिठ्ठीच्या आधारे तपास करून जेसीबी चालकासह विक्कीच्या काका आणि चुलत भावाला अटक केली. मात्र हत्येसाठी किती रक्कमेची सुपारी दिली गेली, याबाबत अद्याप खुलासा झालेला नाही. याआधी विकीच्या पत्नीनेही विकीची हत्या त्याच्या सासऱ्यांनी नाही तर चुलत सासरे आणि दिराने केल्याचा आरोप केला होता.

आईने केला खुलासा
दोन दिवसांपूर्वीच विकी पाटील याची पत्नी हिने सांगितले होते की माझ्या सासऱ्यांनी हे हत्या केली नसून माझ्या चुलत सासरे आणि दिराने ही हत्या केली असल्याचे त्यांनी सांगितले होते. तर विकी पाटील यांची आई यांनी सांगितलं होतं की हत्या माझ्याच नवऱ्याने केली आहे. कारण विकी हा दारू पिऊन मारहाण करायचा आणि विठ्ठल पाटील यांनी जी सुसाईड नोट लिहिली आहे ते अक्षर विठ्ठल पाटील यांचे असल्याचे विकीच्या आईने सांगितले . यामुळे रील स्टार विकी पाटील यांच्या हत्याप्रकरणी आता धक्कादायक खुलासा समोर आला आहे.