Nagpur Police arrest wanted thief : नागपूर पोलिसांनी एका कुख्यात चोरट्याच्या मुसक्या आवळल्या आहेत. विशेष म्हणजे या चोरट्यावर एक किंवा दोन नव्हे तर तब्बल १०० गुन्हे दाखल आहेत. पोलिसांनी त्याला पकडलं तेव्हा तो गांजा पित होता. या प्रकरणी पोलीस सविस्तर तपास करत आहेत.
याप्रकरणी कळमना पोलिसांनी घरफोडीचा गुन्हा दाखल केला. गुन्हे शाखेचे उपायुक्त राहुल माकणीकर यांनीया धाडसी घरफोडीचा घरफोडी विरोधी पथकाकडे समांतर तपास सोपविला. निरीक्षक अमोल देशमुख, साहाय्यक निरीक्षक नितीन चुलपार, हेडकॉन्स्टेबल राजेश देशमुख, प्रवीण रोडे आणि त्यांच्या सहकाऱ्यांनी चोरट्याचा शोध सुरू केला. पोलिसांनी कळमना परिसरातील तब्बल ३५० सीसीटीव्ही फुटेजची पाहणी केली. महिलांगे याने साथीदाराच्या मदतीने घरफोडी केल्याचे निष्पन्न झाले.
पोलिसांनी आरोपीला कसं पकडलं?
पोलिसांनी महिलांगे याचा शोध सुरू केला. महिलांगे हा नागपूर ग्रामीणमधील खेडी गावात लपल्याची माहिती पोलिसांना मिळाली. पोलिसांनी सापळा रचून त्याला अटक केली. यावेळी तो गांजा पित होता. पोलिसांनी त्याची चौकशी केली. त्याने तीन साथीदारांच्या मदतीने घरफोडी केल्याचे त्याने मान्य केले.
१८ गुन्हे उघडकीस
पोलिसांनी चौकशीदरम्यान महिलांगे याच्याकडून घरफोडी, चोरी आणि वाहनचोरीचे १८ गुन्हे उघडकीस आणले. यात नंदनवन, लकडगंज, गणेशपेठ, कोतवाली, वाठोडा, कोराडी, यशोधरानगर, पारडी, खापरखेडा, मौदा, मध्यप्रेदशाती लोधीखेडा येथील गुन्ह्यांचा समावेश आहे. तो महाराष्ट्रासह छत्तीसगड आणि मध्यप्रदेश पोलिसांना सात गुन्ह्यांमध्ये ‘वॉण्टेड’ आहे.
लेखकाबद्दलअविनाश महाजनअविनाश महाजन हे महाराष्ट्र टाइम्सच्या नागपूर आवृत्तीत प्रिन्सिपल करस्पॉडंट आहेत. त्यांना पत्रकारितेत २० वर्षांचा अनुभव आहे. गेल्या १६ वर्षांपासून गुन्हेवार्तांकनाचा अनुभव आहे.… आणखी वाचा