Rahul Gandhi Nashik Court Order : काँग्रेस नेते राहुल गांधी यांनी नाशिक कोर्टात हजर राहण्याचे आदेश देण्यात आले आहेत. स्वातंत्र्यवीर सावरकर अपमानास्पद विधानप्रकरणात न्यायालयाने हे आदेश दिले आहेत.
Ratnagiri News : माझ्या वक्तव्याचा राजकारण करत विपर्यास केला, पुणे स्वारगेट प्रकरणावरुन योगेश कदम यांची स्पष्टोक्तीयाचिकाकर्त्यांचे वकील काय म्हणाले?
आज १ मार्च रोजी सावरकर अपमानास्पद विधानाप्रकरणी सुनावणी होती. यावेळी राहुल गांधी यांनी नाशिक कोर्टात प्रत्यक्ष उपस्थित राहणं गरजेचं होतं. मात्र राहुल गांधी त्यांच्या वकिलांमार्फत हजर राहिले. त्यामुळे आता यापुढील सुनावणीवेळी राहुल गांधींनी ऑनलाइन हजर न राहता प्रत्यक्ष कोर्टात येऊन आपली बाजू मांडावी असे आदेश त्यांना कोर्टाने दिले आहेत, अशी माहिती याचिकाकर्त्यांचे वकील मनोज पिंगळे यांनी याबाबत बोलताना दिली आहे.
Rahul Gandhi : राहुल गांधी यांना धक्का, न्यायाधीशांचे नाशिक कोर्टात हजर राहण्याचे आदेश, नेमकं प्रकरण काय?
काय आहे नेमकं प्रकरण?
भारत जोडो यात्रेदरम्यान राहुल गांधींनी स्वातंत्र्यवीर सावरकर यांच्याबाबत अपमानास्पद वक्तव्य केलं होतं. राहुल गांधींच्या वक्तव्यावरुन मोठा वाद निर्माण झाला होता. सावरकरांबाबतच्या विधानानंतर उद्धव ठाकरेंसह अनेक नेत्यांनी राहुल गांधींवर टीकाही केली होती. याप्रकरणी नाशिकमधील सरकारवाडा पोलीस स्टेशनमध्ये सावरकरप्रेमींकडून तक्रार दाखल करण्यात आली होती. त्यानंतर राहुल गांधींवर गुन्हा दाखल करण्यात आला होता.
Eknath Shinde : एकनाथ शिंदे पुन्हा मुख्यमंत्री होण्यासाठी ‘ऑपरेशन टायगर’? नेमका कुणी केला हा खळबळजनक दावा
नाशिक कोर्टाचा राहुल गांधींना आदेश
याच प्रकरणी आज १ मार्च रोजी सुनावणी झाली. मात्र या सुनावणीला राहुल गांधी स्वत: प्रत्यक्ष उपस्थित नव्हते. राहुल गांधी स्वत: उपस्थित न राहता त्यांच्या वकिलांमार्फत उपस्थित होते. मात्र आता कोर्टाच्या आदेशानंतर मे महिन्यात असलेल्या पुढील सुनावणीवेळी राहुल गांधी स्वत: कोर्टात हजर राहतात का हे पाहणं महत्त्वाचं ठरणार आहे.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड.… आणखी वाचा