RPF Jawan Died ON Rail Accident : आरपीएफ जवान पुणे-लोहमार्ग हद्दीत कार्यरत होता. सोलापूर जिल्ह्यातील जिंती रोड रेल्वे स्टेशन (ता. करमाळा) येथे पेट्रोलिंग करताना रात्री नऊ वाजून ५५ मिनिटांनी नवी दिल्ली-बंगळुरू या केके एक्स्प्रेसने जोरदार धडक दिली.
पेट्रोलिंग करताना घडला अपघात
आरपीएफ जवान श्रीकांत वाघमारे हे नुकतेच लातूर येथून भिगवण रेल्वे स्टेशन येथे बदली होऊन आले होते. ते शुक्रवारी जिंती रोड रेल्वे स्टेशन येथे पेट्रोलिंगसाठी कार्यरत होते. शुक्रवारी रात्री नऊ वाजून ५५ मिनिटांच्या सुमारास केके एक्स्प्रेस येताना गाडीचा आवाज न आल्याने या गाडीची श्रीकांत वाघमारे यांना जोराची धडक बसली. यात त्यांचा जागीच मृत्यू झाला. श्रीकांत वाघमारे हे मूळचे कुर्डवाडी येथील रहिवासी आहेत. त्यांच्या पश्चात आई, पत्नी, दोन मुले असा परिवार आहे. याबाबत पुढील तपास दौंड पोलीस करीत आहेत.
दरम्यान, सोनसाखळीसाठी बार्शी तालुक्यातील बाभूळगावच्या सुरेश रंगनाथ शिंदे या ६८ वर्षीय वृध्दाचा खून करुन उसाच्या शेतात पुरण्यात आले होते. या हत्येप्रकरणी दिलीप निवृत्ती झोंबाडे(बाभूळगाव) आणि राहुल नागेश गायकवाड (कडलास,सांगोला) या दोन आरोपींना अटक करुन बार्शी न्यायालयात हजर केल्यानंतर दोघांनाही ६ दिवसांची पोलिस कोठडी सुनावण्यात आली आहे.
पोलिसांना मिळालेल्या गोपनिय माहितीच्या आधारे सुरेश शिंदे यांच्या हत्येत त्यांच्या शेजारी राहणाऱ्या संशयित आरोपी आणि एका गड्याचा सहभाग असल्याचा अंदाज होता. ज्यावेळी या संशयित आरोपींची पोलिसांनी कसून चौकशी केली असता, त्यांनीच सुरोश शिंदे यांची त्यांच्या गळ्यातील सोनसाखळी आणि रोख रक्कम लुटण्यासाठी त्यांचा गळा आवळून हत्या केल्यचे कबुल केले. त्यानंतर या दोघांनी मृतदेह ऊसाच्या शेतात पुरला.