Shivendraraje on Pune crime- राज्याचे सार्वजनिक बांधकाम मंत्री शिवेंद्रराजे भोसले यांनी पुण्यातील घटनेबद्दल आणि शक्ती कायद्याबद्दल मोठे विधान केले आहे.
त्यांना तुरुंगातच घातलंच पाहिजे
राज्यात महापुरुषांबाबत अनेक वादग्रस्त वक्तव्य समोर येत आहेत.प्रशांत कोरटकर सारख्या व्यक्ती अशी वक्तव्य करत आहेत,असा प्रश्न विचारला असता,सार्वजनिक बांधकाम मंत्री शिवेंद्रसिंहराजे भोसले यांनी स्पष्टपणे सांगितले,भारतात कायदा आणखीन कायदा कडक व्हायला पाहिजे.थोर आणि महापुरुषांबाबत वादग्रस्त आणि आक्षेपार्ह विधान करणाऱ्यावर कडक कारवाई होईल त्यांना तुरुंगात घातलंच पाहिजे.जेणेकरून अशी विधान करणाऱ्यावर चपराक बसली पाहिजे.
पोलिसांची १३ पथके घेत आहेत शोध
पुण्यातील स्वारगेट प्रकरणात आरोपीच्या शोधात सध्या पोलिसांची १३ पथके कार्यरत आहेत. आरोपी शेतात लपून बसला असण्याची शक्यता वर्तवली जात आहे. आज गृहराज्यमंत्री योगेश कदम यांनी स्वारगेट येथील बस स्थानकाच्या येथे भेट देत पोलिसांशी चर्चा केली. त्यावेळी भूमाता ब्रिगेडच्या तृप्ती देसाई यांनी कदम यांचे वाहन अडवण्याचा प्रयत्न केला मात्र त्यावेळी पोलिसांनी हस्तक्षेप केला. पोलिसांनी तृप्ती देसाई आणि त्यांच्या कार्यकर्त्यांना ताब्यात घेतले आहे.
राजकीय कनेक्शन
आरोपी दत्तात्रय गाडे हा राजकीय पक्षाशी निगडीत असल्याचा दावाही करण्यात येत आहे. त्याचे अनेक नेत्याशी संबंध आहेत. दत्तात्रय गाडे शरदचंद्र पवार पक्षाचे माजी आमदार अशोक पवार आणि राष्ट्रवादी काँग्रेसचे विद्यमान आमदार माऊली कटके यांच्यासोबतचे फोटो समोर आले आहेत. पोलिसांनी त्याच्याबद्दल माहिती देणाऱ्याला व्यक्तीला १ लाख रुपयांचे बक्षीस जाहीर केले आहे.