पुण्यातील रुग्णालयात समुपदेशक म्हणून काम करणारी फलटणला जाण्यास निघाली होती. तिचं कुटुंब फलटणला वास्तव्यास असतं. तिथे जाण्यासाठी तरुणी पहाटेच्या सुमारास एसटी आगारात आली. त्यावेळी दत्तात्रय गाडे नावाचा तरुण तिथे आला. ताई, तू कुठे चालली आहेस, अशी विचारणा त्यानं केली. त्यावर पीडितेनं फलटणला निघाल्याचं सांगितलं. त्यावर आरोपी म्हणाला, फलटणची बस तर तिकडे लागली आहेस. तू इथे काय करतेस? त्यावर साताऱ्याला जाणाऱ्या बस इथेच लागतात, असं उत्तर तरुणीनं दिलं. त्यावर आरोपी म्हणाला, ती बस रात्रीची लेट झाली आहे. तू जा पटकन. मी तुला बसवतो, असं म्हणून आरोपी दत्तात्रय गाडे हा तरुणीला शिवशाही बस क्रमांक MH 06 BW 0319 मध्ये घेऊन गेला.
Pune Crime Swargate Depot: स्वारगेट डेपोतील CCTVमध्ये भलतीच दृश्यं कैद; आरोपी गेला कुठे? कॅमेऱ्यात काय दिसलं?
आगाराच्या मध्यभागी असलेल्या शिवशाही बसमध्ये पूर्ण अंधार होता. त्यामुळे पीडितेला संशय आला. हे पाहताच आरोपी गाडे पीडितेला म्हणाला, रात्री उशीर झाला आहे. त्यामुळे प्रवासी झोपलेले असतील म्हणून लाईट बंद केले आहेत. तू वर चढ आणि टॉर्च लावून पाहा असं गोड बोलून आरोपी गाडे हा पीडितेला बसमध्ये घेऊन गेला आणि पाठोपाठ तोही त्या गाडीमध्ये चढला. बसमध्ये चढताच गाडेनं दरवाजा लावून घेतला आणि पीडितेसोबत अतिप्रसंग केला आणि पसार झाला.
Pune Crime Swargate Depot: पुण्यात बसमध्ये तरुणीवर अत्याचार; आरोपी दत्तात्रय गाडे नेमका कोण? महत्त्वाची माहिती समोर
स्वारगेट आगारात दिवसाचे २४ तास वर्दळ असते. प्रवाशांची ये-जा सुरु असते. त्याच आगारात उभ्या असलेल्या शिवशाही बसमध्ये बलात्काराची घटना घडली आणि याची कुणकुण कोणालाच लागली नाही. एसटी बस वातानुकूलित असल्यानं तिला खिडक्या नाहीत. त्यातच आतून पडदे लावल्यानं हा प्रकार कोणाच्याही लक्षात आला नाही. धक्कादायक बाब म्हणजे ही घटना आगार प्रमुखांनादेखील माहीत नव्हती. तेदेखील अनभिज्ञ होते. आगारात बलात्कार झाल्याची कोणतीच कल्पना त्यांना नव्हती.
Pune Crime Swargate Depot: पहाटेची वेळ, मिट्ट अंधार; ‘त्या’ निर्णयानं तरुणीचा घात; अवघं ४० मीटरचं अंतर, डेपोत काय घडलं?
आरोपी तरुणानं बलात्कार केल्यानंतर पीडितेला धमकी दिली. घडलेल्या प्रकाराबद्दल कुठेही वाच्यता गेल्यास ठार करेन, अशा शब्दांत त्यानं तरुणीला धमकावलं. त्यानंतर तो फरार झाला. तरुणीला मानसिक धक्का बसल्यानं ती पोलीस ठाण्यात गेली नाही. ती फलटणला दुसऱ्या बसनं निघाली. तिनं तिच्या मित्राला, कुटुंबाला फोन करुन घटनेची माहिती दिली. त्यांनी तिला पोलिसात जाण्यास सांगितलं. यानंतर ती पोलिसात गेली. पोलिसांनी गुन्हा नोंदवला. तपासासाठी ते आगारात आले. तेव्हा आगार प्रमुखांना घडलेला प्रकार समजला. तोपर्यंत ते संपूर्ण प्रकारापासून अनभिज्ञ होते. आगार प्रमुखांनाच घटनेची माहिती नसल्याचं समजताच पोलिसांना काहीसा धक्काच बसला.