स्वारगेटमधील त्या शिवशाही बसच्या चालकाने वरिष्ठांकडे याबाबत आपला जबाब नोंदवला आहे. नराधमाने तरुणीला सांगितलं की तो त्या शिवशाही बसचा वाहक आहे. जेव्हाकी स्वारगेट ते सोलापूर ही बिनावाहक शिवशाही बस होती, अशी माहिती समोर आली आहे.

जेव्हा ही घटना घडली तेव्हा आरोपी दत्तात्रय गाडे याने पीडित तरुणीला सांगितलं की मी या बसचा वाहक आहे, गेले १५ वर्ष इथे काम करतोय, मी तुला सांगतो, तू चल माझ्यासोबत. त्यानंतर तो पीडितेला बसजवळ घेऊन आला आणि या शिवशाही बसमध्ये त्याने तिच्यावर अत्याचार केला.
Pune Crime Swargate Depot: नराधम असं काय बोलला की तरुणी ‘त्या’ बंद शिवशाही बसमध्ये चढली? स्वारगेट डेपोत नेमकं काय घडलं?
दोन दिवसांपूर्वी या शिवशाही बसच्या चालकाने ही बस स्वारगेट आगारात लावली होती. ही शिवशाही बस सातारची नसून ते स्वारगेट ते सोलापूर अशी होती. तसेच, या बसला वाहक नसतो. म्हणजेच आरोपी दत्तात्रय गाडेने या मुलीची फसवणूक केली, तिला खोटं बोलून तो इथे घेऊन आला.

२३ सुरक्षा रक्षकांचं तात्काळ निलंबन

प्रशासनाने या प्रकरणात तातडीची पावलं उचलल्याचीही माहिती आहे. राज्याचे परिवहन मंत्री प्रताप सरनाईक यांनी स्वारगटे बस डेपोत कार्यरत असलेल्या सर्व २३ सुरक्षा रक्षकांचे तात्काळ निलंबन केलं आहे. त्यांना महिनाभरात बाजू मांडण्याचे आदेश देण्यात आले आहेत. तसेच, उद्यापासून नवे सुरक्षा रक्षक नेमण्याचे आदेशही देण्यात आले आहेत. इतकंच नाही तर, डेपो मॅनेजर, वाहतूक नियंत्रक यांच्यावरही कठोर कारवाई केली जाण्याची शक्यता आहे.