BJP Membership Scam: भारतीय जनता पक्षाचे घाऊक सदस्य करून देतो, असे सांगून सुमारे ५०० पदाधिकाऱ्यांची फसवणूक केल्याचे समोर आले आहे. या प्रकरणी सायबर पोलिसांनी दिल्लीतून एकाला अटक केली असून, मुख्य सूत्रधार बिहारचा असल्याचे समजते.
भाजपकडून देशभरात युद्धपातळीवर सदस्य नोंदणी मोहीम राबविण्यात आली. ती सुरू असताना भाजपच्या शिवडी येथील पदाधिकाऱ्याने समाजमाध्यमांवर एक संदेश पााहिला. ‘हा संदेश सर्वसामान्य जनतेसाठी नाही. भाजपचे खासदार, आमदार, नगरसेवक, पदाधिकारी यांच्यासाठी आहे. आपल्याला घाऊक स्वरूपात कमी दरामध्ये सदस्य करून हवे असतील तर खालील क्रमांकावर संपर्क करा’, असे नमूद करून मोबाइल क्रमांक आणि भाजपच्या नावाने तयार करण्यात आलेला ई-मेल आयडी त्यावर देण्यात आला होता. समाजमाध्यमांवरील या व्यक्तीची माहिती काढण्यात आली असता असा कोणताही उपक्रम पक्षाच्या वतीने कुणाला देण्यात आला नसल्याचे समजले. कुणीतरी भाजप पदाधिकाऱ्यांची फसवणूक करीत असल्याची तक्रार या पदाधिकाऱ्याने सायबर पोलिसांकडे केली.
हिंदूंच्या थट्टेला माफी नाही; महाकुंभवरील टिप्पणीवरुन पंतप्रधान मोदींचे विरोधकांवर टीकास्त्र
सायबर पोलिसांनी दिल्लीतून समरजित सिंग या तरुणाला ताब्यात घेतले. सिंग याची कसून चौकशी केली असता, बिहार येथील गोलू यादव मुख्य सूत्रधार असल्याचे समजले. सिंग याने गोलूच्या मदतीने भाजपच्या सुमारे पाचशे पदाधिकाऱ्यांची फसवणूक केल्याचे तपासातून समोर आले आहे.
Sharad Pawar: संमेलनात अशा वक्तव्यांची गरज नव्हती; शरद पवार यांचे नीलम गोऱ्हेंवर टीकास्त्र
चार-पाच बँक खात्यांद्वारे व्यवहार
घाऊक ऑनलाइन सदस्य नोंदणीच्या नावाखाली पदाधिकाऱ्यांकडून घेण्यात आलेली रक्कम गोलू यादव याने दिलेल्या चार ते पाच बँक खात्यांमध्ये स्वीकारण्यात आली. ही रक्कम नेमकी किती आहे आणि प्रत्येक सदस्यामागे किती रक्कम घेण्यात आली, हे गोलू आणि त्याच्या इतर साथीदारांना अटक केल्यानंतरच स्पष्ट होईल, असे पोलिसांनी सांगितले.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा