राहुल गांधी हे लोकसभेचे विरोधी पक्षनेते असून, त्यांच्या झेड प्लस सुरक्षेवर होणारा प्रचंड खर्च; तसेच पुणे जिल्हा न्यायालयात यापूर्वी घडलेले खुनाचे गुन्हे व बॉम्बस्फोटाच्या धमक्यांमुळे निर्माण झालेला कायदा-सुव्यवस्थेचा प्रश्न, अशी विविध कारणे देत राहुल गांधी यांचे वकील मिलिंद पवार यांनी हा अर्ज केला होता. विशेष न्यायाधीश अमोल शिंदे यांनी हा अर्ज मान्य करीत प्रत्येक सुनावणीला राहुल गांधी यांचे वकील हजर राहतील, असा आदेश दिला आहे.
मनातली विकृती कार्यक्रमात उफाळून बाहेर; सर्वोच्च न्यायालयाने रणवीर अलाहाबादियाला फटकारले
राहुल गांधी यांनी लंडनमध्ये अनिवासी भारतीयांसमोर केलेल्या भाषणात स्वातंत्र्यवीर सावरकर यांच्याविषयी वादग्रस्त विधान केले होते; त्यामुळे सावरकरांचे नातू सात्यकी सावरकर यांनी राहुल गांधींविरोधात न्यायालयात मानहानीचा दावा दाखल केला आहे. त्यामध्ये विशेष न्यायालयाने राहुल गांधी यांना जामीन मंजूर केला असून, या खटल्याची सुनावणी सुरू होणार आहे. या सुनावणीला स्वतः हजर राहण्यापासून कायमस्वरूपी सूट मिळावी, असा अर्ज राहुल गांधी यांचे वकील मिलिंद पवार यांनी दाखल केला होता. न्यायालयाने तो मान्य केला.
एका व्यक्तीमुळे ठाण्यात पक्ष कमकुवत, अनेकजण पक्ष सोडून गेले; अजित पवार यांची नाव न घेता आव्हाडांवर टीका
‘समन्स ट्रायल’ची मागणी
दरम्यान, राहुल गांधी यांचे वकील ॲड. मिलिंद पवार यांनी या खटल्याची पुढील सुनावणी ‘समरी ट्रायल’ऐवजी ‘समन्स ट्रायल’ म्हणून घेण्यात यावी, असा अर्ज मंगळवारी सादर केला. हा खटला स्वातंत्र्यपूर्व ऐतिहासिक घटनांवर अवलंबून आहे. स्वातंत्र्यवीर सावरकरांचे स्वातंत्र्य चळवळीतील योगदान व भूमिकेचा खरा लेखाजोखा आणि ऐतिहासिक वस्तुस्थिती न्यायालयासमोर येणे नैसर्गिक न्यायाच्या दृष्टीने महत्त्वाचे आहे. न्यायालयाने समन्स बजावल्यानंतर निबंधकांनी खटल्याची नोंदचुकीने ‘समरी ट्रायल’ अशी केली आहे. त्याऐवजी या खटल्याची नोंद ‘समन्स ट्रायल’ म्हणून केल्यास बचाव पक्षाला विस्तृतपणे उलटतपासणी घेता येईल; तसेच स्वातंत्र्यपूर्व काळातील महत्त्वाचे ऐतिहासिक दस्तावेज पुरावा म्हणून न्यायालयासमोर मांडता येईल, असे अर्जात म्हटले आहे. या अर्जावर सात्यकी सावरकर यांचे वकील ॲड. संग्राम कोल्हटकर यांचे म्हणणे न्यायालयाने मागविले आहे. पुढील सुनावणी २५ फेब्रुवारी रोजी होणार आहे.
Mamata Banerjee: महाकुंभ बनला ‘मृत्युकुंभ’; सरकारने मृतांची संख्या लपवल्याचा ममता बॅनर्जी यांचा दावा
राहुल गांधींच्या अर्जात नथुराम गोडसेचाही उल्लेख
राष्ट्रपिता महात्मा गांधी यांच्या हत्येच्या आरोपातून स्वातंत्र्यवीर सावरकरांची निर्दोष मुक्तता झाली असली, तरी सहआरोपी नथुराम गोडसे याला फाशीची शिक्षा सुनावण्यात आली. या खटल्यातही सावरकरांशी संबंधित असंख्य मुद्द्यांचा समावेश असून, हे प्रकरण त्यापैकीच एक आहे, असा उल्लेखही राहुल गांधी यांच्या वकिलांनी केलेल्या अर्जात नमूद आहे. राहुल गांधी हे भारताच्या माजी पंतप्रधानांचा मुलगा, नातू व पणतू असून, समाजातील वाईट प्रवृत्तींनी दोन पंतप्रधानांची निर्घृण हत्या केली होती, असा उल्लेखही या अर्जात करण्यात आला आहे.

‘कायमस्वरुपी सूट ‘साठी राहुल गांधी यांच्या वकिलांनी दिलेली कारणे
राहुल गांधी विरोधी पक्षनेते या घटनात्मक पदावर असून, त्याच्या ‘झेड प्लस’ सुरक्षेवर प्रचंड खर्च होतो.
राहुल गांधींना सुरक्षेची पूर्वपरवानगी घेऊन कार्यक्रमांना हजर राहावे लागते. प्रत्येक सुनावणीला हजर राहणे नाहक त्रास ठरेल.
पुणे जिल्हा न्यायालयात यापूर्वी खुनाचे गुन्हे घडले असून, बॉम्बस्फोट घडवून आणण्याच्या धमक्याही देण्यात आल्या आहेत; त्यामुळे न्यायालयातील सुरक्षेचा प्रश्न ऐरणीवर आला आहे.