मुख्य मिरवणूक भवानी पेठेतील भवानीमाता मंदिरापासून दुपारी चार वाजता सुरू होणार आहे. ही मिरवणूक पुढे रामोशी गेट चौकातून उजवीकडे वळून, नेहरू रस्त्याने ए. डी. कॅम्प चौक, संत कबीर चौकातून डावीकडे वळून नाना चावडी चौक, नाना पेठ पोलिस चौकी, अल्पना टॉकीज, हमजेखान चौक, सतरंजीवाला चौक, सोन्या मारुती चौकातून उजवीकडे वळून फडके हौद चौक आणि जिजामाता चौकातून पुढे लालमहाल येथे मिरवणूक संपेल. सकाळच्या सत्रात शिवजयंती महोत्सव समितीची मिरवणूक सकाळी नऊ वाजता सुरू होणार आहे. यात छत्रपती शिवाजी महाराजांच्या सैन्यातील सरसेनापती, सरदार, सुभेदार, मावळे आणि वीर मातांच्या सुमारे ९६ स्वराज्यरथांचा सहभाग असणार आहे.
कोथरुडमध्ये १२ दिवसांत ५४ डुकरांचा संशयास्पद मृत्यू; शरीरात आढळलेल्या घटकामुळे गूढ वाढलं
पदयात्रेचे आयोजन शिवजयंतीनिमित्त केंद्रीय युवा कार्यक्रम व क्रीडा मंत्रालयाच्या वतीने ‘जय शिवाजी जय भारत पदयात्रे’चे आयोजन करण्यात आले आहे. या कार्यक्रमाच्या निमित्ताने बुधवारी सकाळी सात ते दुपारी दोन या वेळेत जंगली महाराज रस्ता आणि नामदार गोपाळ कृष्ण गोखले रस्त्यासह काही प्रमुख रस्त्यांवर वाहतुकीत बदल करण्यात येणार आहेत. पदयात्रा इंजिनीअरिंग कॉलेज मैदान ते फर्ग्युसन कॉलेज मैदान या मार्गावर काढण्यात येणार आहे.

बंद रस्ते व पर्यायी मार्ग
शिवाजी रस्ता : शिवाजी रस्त्याने स्वारगेटला जाणारी वाहतूक स. गो. बर्वे चौकापासून जंगली महाराज रस्ता, खंडुजीबाबा चौक, टिळक चौकमार्गे टिळक रस्त्याने जाईल.
कुभार कुंभार वेस ते गाडगीळ पुतळा : कुंभार वेस चौक ते गाडगीळ पुतळ्याच्या दिशेने जाणारी वाहतूक, कुंभारवेस चौकात उजवीकडे वळून डेंगळे पूल, खुडे चौक, सावरकर चौकामार्गे जाईल.
केळकर रस्ता ते बुधवार चौक : केळकर रस्त्याने अप्पा बळवंत चौकातून जोगेश्वरी मंदिर चौकमार्गे बुधवार चौकाकडे जाणारी वाहतूक बंद केली जाईल.
लक्ष्मी रस्ता : लक्ष्मी रस्त्यावर संत कबीर चौकातून सोन्या मारुती चौकाकडे येणारी वाहतूक वळवली आहे.
बाजीराव रस्ता : पुरम चौकातून बाजीराव रस्त्याने शिवाजीनगरकडे जाणारी वाहतूक बंद राहील. वाहनचालकांनी टिळक रस्ता, अलका टॉकीजमार्गे ना. गोपाळ कृष्ण गोखले रस्त्याने जावे.
दिल्लीचा मुख्यमंत्री कोण? उद्याच्या बैठकीत होणार घोषणा, ‘या’ नावांची जोरदार चर्चा
पदयात्रेसाठी येणाऱ्यांच्या वाहनांसाठी पार्किंगची विशेष व्यवस्था
*खडकी, येरवडा, ‘आरटीओ ‘कडून येणाऱ्यांनी अभियांत्रिकी कॉलेज येथे पार्किंग करावे.
*कर्वे रस्ता आणि कोथरूडकडून येणाऱ्या वाहनांनी अलका टॉकीज चौकमार्गे नदीपात्रातील पार्किंगमध्ये वाहने पार्क करावीत.
*स्वारगेट, हडपसर आणि दांडेकर पुलाकडून येणारी वाहने अलका टॉकीज चौकामार्गे नदीपात्रात पार्क केली जातील.
ट्राफिक जाम होतेच कशी? तरुणाने थेट पोलिसाच्या कानशिलात लगावली, नाशिकमधील घटना
‘या’ वेळेत नळ स्टॉपमार्गे जावे ‘
जय शिवाजी जय भारत’ पदयात्रा आणि शिवजयंती महोत्सव समितीची मिरवणूक बुधवारी सकाळी साधारणपणे एकाच वेळी निघणार आहे. त्यामुळे शिवाजी रस्ता, बाजीराव, जंगली महाराज रस्ता आणि गोखले रस्ता एकाच वेळी वाहतुकीसाठी बंद राहील. या परिस्थितीत शिवाजीनगर भागातून स्वारगेटला जाण्यासाठी किंवा स्वारगेट येथून शिवाजीनगरला जाण्यासाठी दांडेकर पूल, म्हात्रे पूल, नळ स्टॉप, एरंडवण्यामार्गे सेनापती बापट रस्त्याने जावे.