कर्नाटकातील तूर डाळीचा हंगाम सुरू झाल्याने मार्केट यार्डातील भुसार बाजरात सध्या डाळीची आवक मोठ्या प्रमाणावर होत आहे. यंदा कर्नाटकात तूर डाळीची लागवड मोठ्या प्रमाणावर झाली आहे. मराठवाडा, विदर्भ आणि गुजरातमधील तूर डाळीचा हंगामही सुरू झाला आहे. आवक वाढल्याने या डाळीच्या दरांत घट झाली आहे. मागणीच्या तुलनेत आवक जास्त असल्याने गेल्या दोन महिन्यांत तूर डाळीच्या दरात प्रतिकिलोमागे ५० ते ६० रुपयांनी घट झाली आहे, अशी माहिती व्यापाऱ्यांनी दिली.
गैरव्यवहारांचा ‘गाळउपसा’! मिठी नदीच्या घोटाळ्याची फाइल उघडली, १३०० कोटींच्या भ्रष्टाचाराचा आरोप
जून-जुलै महिन्यांत तूर डाळीचे दर कडाडले होते. त्या वेळी घाऊक बाजारात एक किलो तूर डाळीला १७५ रुपये किलो हा उच्चांकी दर मिळाला होता. नोव्हेंबरमध्ये तूर डाळीच्या दरात दहा रुपयांनी घट झाली. सध्या घाऊक बाजारात तूर डाळीचे प्रतिकिलोचे दर प्रतवारीनुसार १०७ ते १३० रुपये किलो दरम्यान आहेत. येत्या काही दिवसात तूर डाळीच्या दरांत आणखी घट होण्याची शक्यता आहे. लातूर, अकोला भागातून हरभरा डाळीची आवक होत आहे. अकोला, वाशिम, लातूर, उदगीर, बार्शी, तसेच कर्नाटक, गुजरात, मध्य प्रदेश, उत्तर प्रदेशातून तूर डाळीची आवक होत आहे.
दिल्लीचा मुख्यमंत्री कोण? उद्याच्या बैठकीत होणार घोषणा, ‘या’ नावांची जोरदार चर्चा
तूर डाळीचे उत्पादन ४४ लाख टन
यंदाच्या हंगामात तूर डाळीचे उत्पादन ४४ लाख टन होण्याची शक्यता आहे. मार्केट यार्डातील घाऊक बाजारात दररोज ८० ते १०० टन तूर डाळीची आवक होत आहे. येत्या काही दिवसांत तूर डाळीची आवक वाढण्याची शक्यता असून दरांत आणखी घट होण्याची शक्यता आहे, असे मार्केट यार्डातील व्यापारी जितेंद्र नहार यांनी सांगितले.