भाऊ-बहीण आणि मामा-भाचीच्या पवित्र नात्याला काळीमा फासणारी ही घटना घडली आहे. अल्पवयीन मुलीवर तिचा अठरा वर्षाचा भाऊ आणि मामा यांनी अनेक वेळा लैंगिक अत्याचार केल्याचे उघडकीस आले आहे. पीडित अल्पवयीन मुलीचा अठरा वर्षाचा भाऊ याने पीडितेचे हातपाय ओढणीने आणि तोंड रुमालाने बांधले. मामाला काही सांगू नकोस नाहीतर तुला मारेन, अशी धमकी पीडित मुलीला देऊन तिच्यावर अनेकवेळा लैंगिक अत्याचार केले. तर तीच मुलगी घरामध्ये झोपली असताना तिच्या मामाने देखील तिच्यावर अतिप्रसंग केला आणि याची वाच्यता कुठेही केल्यास त्यानेही मारण्याची धमकी दिली.
महिलेच्या गुप्तांगावर चाकू हल्ला, दोन्ही डोळे फोडले, पोलिसांना पाहताच नराधम पती निसटला, नंतर जे घडलं…
ऑगस्ट २०२४ ते डिसेंबर २०२४ या कालावधीत भाऊ आणि मामा या नराधमांनी पीडितेवर अनेकदा लैंगिक अत्याचार केले. पीडितेवर केलेल्या लैंगिक अत्याचारांमुळे पीडिता गर्भवती राहिली ही बाब आरोपी मामाला समजल्यानंतर त्याने पीडितेला मुंबईतील ग्रँटरोड येथील एका दवाखान्यात नेऊन तिचा गर्भपात देखील केला.

हा धक्कादायक प्रकार मुलीला असहाय्य झाल्याने पीडितेने वसई पोलीस ठाणे गाठत आपल्यासोबत घडलेला संपूर्ण प्रकार, आपबीती पोलिसांना सांगितली आणि तक्रार दाखल केली. याप्रकरणी पीडितेचा नराधम मामा आणि भाऊ या दोघांविरोधात वसई पोलीस ठाण्यात भारतीय न्याय संहिता कलम 64 (2) (f), 64 (2) (i), 64 (2) (m), 89, 118 (1), 351(3), 35 1 (2), 351 (3) त्याचप्रमाणे पॉक्सो अंतर्गत गुन्हा दाखल करण्यात आला आहे. दोनही नराधमांना बेड्या ठोकल्या आहेत. तर पोलीस पुढील तपास करत आहे.