ओमानहुन जहाजाने अलंग येथे निघाला असता झाला बेपत्ता

यश देवरे असे या तरुणाचे नाव असून तो स्वराज मराईन प्रायव्हेट लिमिटेड या कंपनीत ओएस पदावर कार्यरत आहे. यश देवरे हा ओमानहुन जहाजाने अलंग येथे येण्यास निघाला होता. मात्र, ओमान जवळील समुद्रात तो पडून बेपत्ता झाल्याचे सांगितले जातंय. याबद्दलची माहिती कंपनीने फोन करून कुटुंबियांना दिली. मात्र, त्यानंतर पुढे कोणतीही माहिती कुटुंबियांना कंपनीकडून दिली जात नाहीये.
जितेंद्र आव्हाड आणि सुरेश धसांमध्ये जुंपली, आव्हाडांनी केला गंभीर आरोपकंपनीकडून दिली जात आहेत उडवाउडवीचे उत्तरे

यशच्या कुटुंबियांनी संबंधित जहाजासह कंपनीशी संपर्क साधण्याचा प्रयत्न केला. मात्र, त्यांना उडवाउडवीची उत्तर दिले जात आहेत, अशी तक्रार यशच्या कुटुंबियांनी केली आहे. यशला बेपत्ता होऊन बारा दिवस होऊन गेले आहेत. पण त्याच्याबद्दल कोणतीही माहिती कुटुबियांना मिळाली नसल्याने संपूर्ण कुटुंबाच्या तोंडचे पाणी पळाले आहे. आमचा मुलगा कुठे आहे? हा प्रश्न कुटुंबियांकडून उपस्थित केला जात आहे.

मुलगा बेपत्ता संपूर्ण कुटुंब तणावात

दरम्यान या संदर्भात राज्याच्या मुख्यमंत्र्यांसह प्रशासनाला ईमेल केले असून सरकारने यशला परत आणण्यासाठी पावले उचलावीत, अशी मागणी यश देवरेच्या कुटुंबियांनी केली आहे. काही दिवसांपूर्वीच पुण्यातील कराड नावाचा मुलगा देखील जहाजावरून बेपत्ता झाला होता. कुटुंबियांनी मुलगा मिळावा, याकरिता अनेक प्रयत्न केले. शासनाकडे देखील कराड कुटुंबियांनी मदत मागितली होती. आता यश देवरे प्रकरणात कुटुंबियांना सरकारकडून काय मदत केली जाते हे पाहण्यासारखे ठरणार आहे.